Gesondheid

RSG  |  Podcast , ±24 min episodes every 1 week  | 
Wat is ALS, die siekte waaraan Joost van der Westhuizen ly? Is dit al soort motorneuron-siekte, of is daar ander? Hoe begin dit en hoe versprei dit na ander senuselle? Het rugbyspelers ‘n groter kans om dit te kry? Kan stamselbehandeling help? ‘n Motorneuronsiektes-spesialis verduidelik meer oor motorneuronsiektes.

Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
27
MAY

Gesondheid

Hoe veilig is dit om jou kind terug te stuur skool toe? 'n Kinderlong-spesialis het die antwoord, Word kinders baie siek van Covid? Is hulle die draers van die virus wat almal sal aansteek? Wat van kinders met asma, of kinders met ander siekteprobleme? Hoe groot is die kans werklik dat kinders ernstig siek kan word van Covid?
20
MAY

Gesondheid

Hoe veilig is dit vir dokters en nie-COVID-pasiënte in hospitale? Is dit veilig vir chirurge om met nie-N95-maskers te opereer? Hoe lank word waglyste vir operasies omdat so baie operasies buiten noodgevalle feitlik stilstaan, terwyl sommige hospitale byna leeg staan? Is die klem op COVID-19 oordrewe? Wat van alle ander siektes buiten COVID-19? Het ons al meer inligting om beter voorspellings te maak? Marí Hudson probeer antwoorde op die vrae vind. Sy gesels met die verteenwoordiger van dokters in Suid-Afrika en met die verteenwoordiger van alle chirurge in die land.
13
MAY

Gesondheid

Is daar nog mediese redes vir 'n streng inperking? Kan 'n voortgesette streng inperking die verloop van COVID-19 in Suid-Afrika verander, en hoe? Wat is die beste pad vorentoe? Marí Hudson probeer antwoorde op die vrae vind, kyk wat die kundiges sê en gesels met 'n waaksorgspesialis.
06
MAY

Gesondheid

Kubaanse dokters wat teen 'n hoë koste Suid-Afrika met COVID-19 kom help; ambulanspersoneel wat staak oor 'n gebrek aan beskermde klere; chroniese pasiënte wat noodgevalle word; lede van die publiek wat met 'n masker onder die ken of neus loop; verskille oor die sterftekoers… Marí Hudson gesels met dr. Angelique Coetzee, voorsitter van die Suid-Afrikaanse Mediese Vereniging, oor die jongste kwessies.
29
APR

Gesondheid

Waarom kan mense met chroniese siektes soos diabetes, asma, lupus en ander chroniese siekteprobleme, sieker word van COVID-19 of ander virusse as mense sonder die siektes? Wat is dan anders aan hulle immuunstelsels, of hoe? Waarom verskil die sterftesyfers in Italië en Spanje soveel van die van China? Marí Hudson praat met 'n internis oor die effek van die COVID-19 op mense met onderliggende siektes.
22
APR

Gesondheid

Ná 'n maand in inperking, speel jou gemoed waarskynlik ook parte. Hoe weet 'n mens of die benoude gevoel oor jou bors asma, 'n hartaanval, COVID-19 of angstigheid oor jou inperking is nie? En wat van depressie? Sosiale inperking en fisieke afstandelikheid is nie normaal nie, en eis sy tol op jou geestesgesondheid. Marí Hudson gesels met 'n psigiater oor die effek van die COVID-19 inperking op jou gemoed.
15
APR

Gesondheid

Hoe presies werk die SARS-Coronavirus-2 wat COVID-19 veroorsaak? Val dit jou rooibloedselle aan en lei dit tot 'n suurstoftekort soos wat sommiges beweer? Kan malaria- en artritismiddels help? Wat van die TB-vaksien? Wat het ons die afgelope tyd geleer oor die siekte, die verspreiding en wat om te verwag? Marí Hudson gesels met 'n mediese spesialis midde-in die geveg teen COVID-19 oor wat feite en wat fiksie is.
08
APR

Gesondheid

Inperking weens COVID-19 is nou byna twee weke van krag in Suid-Afrika. Wat het ons die afgelope tyd geleer oor die siekte, die verspreiding en wat om te verwag? Marí Hudson gesels met dr. Angelique Coetzee, president van die Suid-Afrikaanse Mediese Vereniging van Suid-Afrika, oor die jongste nuus oor die siekte en die situasie in die land.
01
APR

Gesondheid

'n Mens kan seker sê die SARS-Coronairus wat nou mik na 900 000 gevalle oor die wêreld, is 'n psigopaat, want iets skort met die organisme se gewete. Wat verstaan ons oor psigopate? Want alle psigopate is nie reeksmoordenaars nie. En wat is die verskil tussen 'n psigopaat en narsis? En wat is die regte naam vir die probleem? Wat gebeur in die brein van só 'n mens en kan dit behandel word? Marí Hudson gesels met dr. Eugene Allers, 'n psigiater en lid van die Suid-Afrikaanse Psigiatriese Vereninging oor psigopatie en narsisme.
25
MAR

Gesondheid

Kan die verloop van die Covid-19 epidemie in Suid-Afrika voorspel word? Wat kan ons verwag? Wat staan dokters en pasiënte te doen? Mari Hudson praat hieroor met dr. Angelique Coetzee, president van die Suid-Afrikaanse Mediese Vereniging.
18
MAR

Gesondheid

Wat presies weet ons nou van die nuwe coronavirus bekend as SARS-CoV-2? En van die siekte COVID-19? Muteer die virus? Hoe lank oorleef dit buite die liggaam? Kan enigiets buiten handewas en maskers vir nabye kontak help? Wat staan my te doen as ek sekere simptome ervaar? Marí Hudson gesels met 'n infeksie-spesialis oor die mediese aspekte van die virus en COVID-19.
11
MAR

Gesondheid

Wat is skisofrenie en grenslyn persoonlikheidsteurnis? Is 'n narsis en psigopaat dieselfde? Wat gebeur in die brein van iemand met een van hierdie psigiatriese steurnisse? Waarom gebeur dit? Wat is 'n psigose? Kan die probleme behandel en genees word? Marí Hudson gesels met 'n psigiater oor die mediese aspekte van die bekendste psigiatriese probleme, en die mites en misverstande.

309 episodes

« Back 1—12 More »