Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
06
JUL

Praat Saam

Die verslag van die ouditeurgeneraal oor plaaslike regering vir die 2018/19-boekjaar wys dat munisipaliteite in die Wes-Kaap en Gauteng die beste presteer het ten opsigte van gesonde finansiële bestuur. Slegs 20 van die land se 257 munisipaliteite het skoon oudits gehad. Hoe lyk finansiëlebestuur onder die Ramaphosa-administrasie om munisipaliteite verantwoordbaar te hou?
03
JUL

Praat Saam

Die Wes-Kaapse Minister van Onderwys, Debbie Schäfer, het die besluit dat minder leerlinge aanstaande week by skole toegelaat word, verwelkom. Slegs leerlinge in graad R, 6 en 11 sal Maandag terugkeer skool toe. Die Minister van Basiese Onderwys, Angi Motshekga, het verlede maand aangekondig dat grade 1, 2, 3 en 10 Maandag weer skool toe sou gaan. Ons bespreek alternatiewe vir die skooljaar en leerders.
02
JUL

Praat Saam

Die DA sê die publiek betaal die prys vir Nersa se foute. Die party het 'n beroep op die ouditeurgeneraal gedoen om die energiereguleerder se prysvasstellings en regulatoriese bepalings jaarliks na te gaan. Nersa het volgens berigte sy opponerende standpunte in twee hofsake teen Eskom teruggetrek, en toegegee dat hy foute gemaak het in berekenings vir Eskom-tariewe. Ons praat oor Nersa se rol en mandaat, sy verhouding met Eskom, en hoe hierdie verhouding jou sak raak.
01
JUL

Praat Saam

Die Covid-19-pandemie het verskeie vrae laat ontstaan oor Suid-Afrika grensbeheer. Die Minister van Openbare Werke en Infrastruktuurontwikkeling, Patricia de Lille, het die ouditeur-generaal versoek om ondersoek in te stel na die oprigting van die grensdraad tussen Suid-Afrika en Zimbabwe. De Lille sê R21-miljoen is reeds betaal en geen verdere geld sal oorbetaal word totdat die ondersoek afgehandel is. Wat is Suid-Afrika se grensbeheerstrategie in die tyd van Covid-19?
30
JUN

Praat Saam

Die SAUK se verslaggewers dwarsoor die land sê taxi's word op die meeste plekke volgelaai, terwyl enkeles gehoor gee aan die regulasies dat 'n voertuig nie meer as 70% vol mag wees nie. Pendelaars sê hulle het nie 'n keuse om die taxi's te gebruik nie. Ons praat verder oor polisiepraktyk, en vra waar die wetstoepassers is om te verseker dat die bedryf die inpekingsreëls nakom?
29
JUN

Praat Saam

Die kredietgraderingsagentskap, Moody's, sê dit is onwaarskynlik dat die regering sy teiken sal haal om staatskuld teen 2023 te stabiliseer. Moody's sê die land se stygende skuldlas, wat vererger word deur die coronaviruspandemie en die inperking, sal dit baie moeilik maak om staatskuld vinnig te stabiliseer. Hoe bestuur ons die land se skuldvlakke om dit te stabiliseer?
26
JUN

Praat Saam

Ons het vroeër vandeesmaak gepraat oor verslawing en die uiterstes wat gebruikers sal beproef om hul “fix” te kry, hulle dampie te slaan, of te brou as alkohol verbode is. Jeugmaand staan einde se kant toe, en ons kyk na tieners en hulle eksperimentering met dwelms en afhanklikheid.
25
JUN

Praat Saam

'n Britse natuurbeskermingorganisasie, Plant Life, sê die natuur is besig is om te floreer te midde van die uitbreking van die coronavirus. Die organisasie sê hy verwag 'n groot toename in veldblomme omdat plaaslike rade hulle personeel vir noodsaaklike take aanwend, wat toelaat dat meer blomme saad skiet. Plant Life sê wilde diere word ook op onverwagte plekke aangetref omdat daar nie mense in die omgewing is nie. Watter impak het die coronavirus en inperkings op mens en natuur om te floreer?
24
JUN

Praat Saam

Uitspraak is voorbehou in die saak tussen die Suid-Afrikaanse Tabakvereniging (FITA) en die regering oor die verbod op die verkoop van tabakprodukte. FITA het in die hof aangevoer dat die Minister van Samewerkende Regering, dr. Nkosazana Dlamini-Zuma, haar magte oorskry het toe sy die verkoop van sigarette verbied het, en dat hierdie deel van die rampbestuurswet irrasioneel en onwettig is. Die staat voer aan dat die verbod nodig is, omdat daar sterk bewyse is dat mense wat rook, sieker word wanneer hulle Covid-19 opdoen.
23
JUN

Praat Saam

Dis nou al jare dat Transnet-pensioenarisse geregtigheid en duidelikheid soek oor hulle pensioenfonds. Op 22 Junie is daar uiteindelik uitspraak gelewer wat die skikking met Transnet bekragtig.Wat beteken die uitspraak vir pensioenarisse, en hoe sal die proses vorentoe verloop?
22
JUN

Praat Saam

Die Suid-Afrikaanse Nasionale Taxi-vereniging, Santaco, sê die verligtingspakket van meer as R1-miljard rand van die regering, sal nie voldoende wees vir die hele taxibedryf nie. Intussen skort busdienste hulle diens op weens taxi-stakings en taxi's wat paaie versper. Wat is die aanpassings en wysigings wat die openbare vervoerstelsels moet maak om die impak van Covid-19 te kan hanteer?
19
JUN

Praat Saam

President Cyril Ramaphosa het 'n skerp waarskuwing gerig aan diegene wat alkohol misbruik, en sê dit dra by tot misdaad en veral geslagsgeweld. Op Vlak 3 van die inperking, wat op 1 Junie begin het, word die verkoop van alkohol van Maandag tot Donderdag toegelaat. Geweld teenoor vroue het egter sedertdien toegeneem, en die meeste oortreders was onder die invloed van drank. Ramaphosa sê die regering het ernstig besin oor die verhouding tussen alkohol en geslagsgeweld. Hoe beskryf jy die drankkultuur in die land? Is daar 'n verband tussen alkohol en die vlak van geweldadige misdaad wat ons sien?

50 episodes

« Back 1—12 More »