Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Spotify

This channel is available on Spotify. Follow the link above to view episodes on Spotify.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
23
SEP

Praat saam 23 September 2021

Die plaaslike verkiesings vind op 1 November plaas, en politieke partye is hard besig met veldtogte en beloftes om kiesers te oorreed om vir hulle te stem. Misdaad en veiligheid is een van die kwessies wat burgers pla. Hoe veilig voel jy in jou gemeenskap?
21
SEP

Praat saam 21 September 2021

Die Departement van Internasionale Betrekkinge sê hy is bewus daarvan dat ‘n 40-jarige Suid-Afrikaanse vrou in Nieu-Seeland aangekla word van die moord op haar drie dogters. Die polisie in Nieu-Seeland sê Lauren Anne Dickason het in die hof verskyn in die hawestad, Timaru. ‘n Woordvoerder van die hof sê sy is na ‘n hospitaal verwys sodat haar geestesgesondheid geëvalueer kan word. Sy sal op 5 Oktober weer in die hof verskyn. Die beskuldigde en haar man, Graham Dickason, is albei mediese dokters. Dié voormalige inwoners van Pretoria het in Augustus na Nieu-Seeland getrek. Die tweejarige tweelingmeisies en hulle sesjarige suster is Donderdagaand dood in die gesin se huis aangetref. Volgens verskeie nuusagentskappe het die vrou vermoedelik aan depressie gelei. Wat is die gevolge van depressie, en hoe hanteer mens dit?
20
SEP

Praat saam 20 September 2021

Die deur-tot-deur-verkiesingsveldtogte is aan die gang met die laaste geleentheid vir kiesersregistrasie wat oor die naweek tot ‘n einde gekom het. Kiesers kan wel nog aanlyn kyk of hulle geregistreer is. Die ANC se president, Cyril Ramaphosa, het ook die naweek inwoners van Soweto aangemoedig om te stem en beloof dat hulle elektrisiteitsprobleme binnekort iets van die verlede sal wees. Ander politieke partye het ook stemgeregtigdes aangemoedig om in die plaaslike verkiesing te stem. In meeste van die gebiede bly dienslewering ‘n kwelpunt. Ons kyk na die verhouding tussen plaaslike regering, kiesers en belastingbetalers.
17
SEP

Praat saam 17 September 2021

Daar is Suid-Afrikaners wat glo die hoë geboortesyfer veroorsaak besoedeling wat verskeie gesondheid- en hulpbronrisikos veroorsaak. As daar minder mense is, is daar minder monde om te voed en so sal ons geen armoede hê nie. Dit kan alles voor oorbevolking se deur gelê word. Die teenpool van die argument is dat daar meer as genoeg grondoppervlak is om almal te huisves as die hulpbronne beter bestuur word. Dan sal almal ‘n plekkie in die son hê en met ‘n vol maag gaan slaap. Ons praat oor bevolkingsgroei en die impak daarvan op die aarde en sy hulpbronne.
16
SEP

Praat saam 16 September 2021

Die Suid-Afrikaanse Mediese Vereniging definiëer ‘n lewende testament as ‘n verklaring wat die pasiënt se wens verteenwoordig om enige verdere mediese behandeling te weier in die geval waar sodanige mediese behandeling die pasiënt op ‘n kunsmatige manier aan die lewe hou. ‘n Lewende testament word opgestel om voorsiening te maak vir die situasies waar die pasiënt nie meer compos mentis is en in staat is om sulke lewensveranderende besluite self te kan neem nie. Daar is egter baie onsekerheid oor die geldigheid en die afdwingbaarheid van sodanige testamente in Suid-Afrika.
15
SEP

Praat saam 15 September 2021

Die Departement van Gesondheid sê die regering het nog nie ‘n besluit geneem oor verpligte Covid-19-inentings nie, hoewel daar wel maatskappye is wat hierdie stap gedoen het. Ons kyk na die standpunte van geloofsleiers en -instellings, en of verpligte intentings enigsins ‘n oorweging is. As jou kerk of moskee toegang voorbehou na gelang van ‘n inentingsrekord of kaart, hoe sal jy dit benader?
14
SEP

Praat saam 14 September 2021

Die plaaslike verkiesings vind op 1 November plaas. Met die skuif na Vlak 2-inperkings stel dit politieke partye in staat om hulle verkiesingsveldtogte op dreef te kry. Die woordvoerder van die Vryheidsfront Plus, Wouter Wessels, sê Suid-Afrikaners is uitgehonger vir verandering op munisipale vlak, en wil ‘n verbetering in basiese dienslewering sien. Daar is gemengde reaksie op die nuwe verkiesingsdatum, met sommige partye wat slaggereed voel en ander wat bekommerd is oor hoe hulle dit gaan benader. Ons praat oor plaaslike politiek en die strategie van politieke partye met so ‘n kort aanloop tot die verkiesing.
13
SEP

Praat saam 13 September 2021

Rooms-Katolieke biskoppe in Amerika besin daaroor of politici nagmaal mag gebruik terwyl hulle vroue se keuse oor hulle liggame en gay-gemeenskappe ondersteun. Dit is veral die Amerikaanse president Joe Biden, wat die tweede Amerikanse president is wat ‘n lid van dié kerk is, se besluite onlangs wat intense besprekings en kritiek uitlok. Die Amerikaanse biskoppe sal besluit of dit nodig is om in ‘n dokument uit te stippel wie geregtig is op nagmaal al dan nie. Het politieke- en geloofsinstellings ‘n sê oor wat jy met jou liggaam doen en wie jy mag lief hê?
10
SEP

Praat saam 10 September 2021

Die verandering van Brandfort in die Vrystaat se naam na Winnie Mandela het gemengde reaksie onder inwoners ontlok. Sommige is opgewonde oor die naamsverandering en sê dit sal toerisme na die dorp lok. Ander sê dit sal niks verander aan die gebrekkige dienslewering in die gebied waar emmertoilette nog in dele gebruik word nie. Naamsveranderinge bly ‘n sensitiewe kwessie in ‘n diverse land van menings en kulture, maar is ook deel van ons erfenis. Hoe moet ons die sentitiwiteite en menings bestuur en hanteer?
09
SEP

Praat saam 9 September 2021

Suid -Afrika het verreweg die hoogste Fetale Alkohol Spektrumafwyking- -koers ter wêreld. Watter vordering is gemaak om gevalle te verminder, bewusmaking te skep en voorkomend op te tree? Wat is die impak op families en gemeenskappe?
08
SEP

Praat saam 8 September 2021

Die Raad vir die Bevordering van die Suid-Afrikaanse Grondwet (CASAC) het die Departement van Korrektiewe Dienste gevra om die mediese paroolvoorwaardes van oudpresident Jacob Zuma bekend te maak. Zuma is op parool vrygelaat op grond van mediese verslae van sy dokters. Zuma is vir 15 maande tronk toe gestuur vir minagting van die hof, nadat hy ‘n bevel van die Konstitusionele Hof geïgnoreer het om voor die Staatskapingskommissie te verskyn. Ons bespreek die Zuma-fiasko en die gebeure in die land die afgelope 48 uur. Ons vra wat moet met Zuma gebeur?

2289 episodes

« Back 1—12 More »