Sakevennootskappe gesmee vir ekonomiese groei in SA

Die Suid-Afrikaanse regering en die georganiseerde sakewêreld het 'n vennootskap gevorm om struikelblokke te verwyder wat inklusiewe ekonomiese groei en werkskepping benadeel. Dit sal op drie kerngebiede fokus, naamlik energie, vervoer en logistiek, en misdaad en korrupsie. Uitvoerende hoofde van groot ondernemings het onderneem om hulpbronne en vaardighede by te dra. Die woordvoerder van die Presidensie, Vincent Magwenya, sê die projek sal deur regeringsgeleide komitees gekoördineer word, en samewerking sal deur Business for South Africa en Business Unity South Africa bevorder word.