Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
25
NOV
2am

Sibongile Makhushe ingesweer as Mbombela se nuwe burgemeester

Die ANC se Sibongile Makhushe is Dinsdag tot die nuwe uitvoerende burgemeester van Mbombela-munisipaliteit verkies.
William Nkatha is die raad se nuwe Speaker. Taylor Nsimbini is tot hoofsweep verkies. Al drie was die enigste genomineerde kandidate vir die ampte.
Die nuutverkose raadslede is ook tydens hul eerste sitting, wat by Mbombela-stadion gehou is, ingesweer. Die ANC het tydens die plaaslike verkiesing ‘n meerderheid van 65% van die stemme gekry om 59 setels te wen.
Nkatha sê geen korrupsie sal geduld word nie.
24
NOV
7am

Alarm gemaak oor riool in Witrivier-natuurreservaat

Die VF Plus het Mbombela-munisipaliteit by die provinsie se Groen Skerpioene verkla oor beweerde rioolbesoedeling in die Witrivier-natuurreservaat.
Die party het die waarnemende LUR, Busisiwe Shiba, versoek om dit dringend te ondersoek en die munisipaliteit te beveel om ʼn volhoubare oplossing vir die probleem te vind.
Volgens Freddy Robertson, ‘n VF Plus-raadslid, word rioolpompe nie onderhou nie, en ontbreek onderdele, met die gevolg dat onverwerkte riool in die omgewing uitlek en uiteindelik in die Krokodilrivierstelsel opgeneem word.
18
NOV
3am

VF Plus sê ANC wys sy ware kleure deur aan betogers in Middelburg se eise toe te gee

Die VF Plus in Mpumalanga het die ANC veroordeel dat hulle aan die eise van stakende munisipale amptenare van Steve Tshwete-munisipaliteit toegegee het.
Volgens Werner Weber het hulle die afgelope weke die dorp in 'n rommelhoop verander.
Die stakende werkers wat op 12 November afgedank is, is met onmiddellike effek heraangestel en hul salarisse opwaarts aangepas.
Die munisipaliteit sal ook van ʼn Vlak 4-munisipaliteit tot Vlak 5 opgradeer word, wat Weber sê hulle nie kan befonds nie.
17
NOV
5am

Man vas wat glo polisiebeampte in Barberton vermoor

‘n 42-jarige verdagte sal vandag in die Barberton-hof verskyn op twee klagte van moord.
Hy word aangekla dat hy Speurder Nkosinathi Lucky Ngwenya en sy vriend, Jaftha Mnisi, op 17 Oktober by Zanni Tavern in Barberton doodgeskiet het.
Ngwenya was aan die speurtak in Nelspruit verbonde en was ten tyde van die voorval van diens af.
Volgens Kaptein Dineo Sekgotodi van die Valke is die verdagte Dinsdag gearresteer in samewerking met die provinsiale opsporingspan, Barberton-speurders en blitspatrollie.
17
NOV
2am

VF Plus verwelkom hofuitspraak oor mynbou in Wakkerstroom-bewaarings-gebied

Die VF Plus het die Grondwethof se uitspraak Maandag verwelkom dat die mynboureus, Atha Africa Ventures, nie met mynboubedrywighede in Wakkerstroom mag begin voordat alle uitstaande hofsake en -aansoeke teen hom afgehandel is nie.
Die maatskappy poog al vir ses jaar om steenkool in die waterryke Mabola-bewaargebied te ontgin, maar word deur agt bewaringsorganisies teengestaan.
Provinsiale partyleier, Werner Weber, sê Mpumalanga is heel bo aan die lys vir steenkoolmynmaatskappye wat nie aan watergebruiklisensies voldoen nie.
15
NOV
6am

Agt vas vir bedrog by Lebombo-grenspos

Agt verdagtes sal na verwagting vandag in die hof in Komatipoort verskyn op klagte van bedrog en korrupsie.
Drie is Vrydag aangekeer en nog drie gister. Valke-woordvoerder, kaptein Dineo Sekgotodi, sê nog twee verdagtes sal hulself vandag aan die owerhede oorhanding.
Sy sê die intelligensie-gedrewe operasie na immigrasie-beamptes by Lebombo-grenspos het in Desember 2019 afgeskop.
Hulle het glo tydelike werks- en verblyfpermitte uitgereik. Hulle het na bewering ook omkoopgeld aanvaar om onwettige immigrante van Mosambiek, Eswatini, Zimbabwe en Malawi se paspoorte te stempel om hul verblyf in Suid-Afrika te verleng.
Minsiter van binnelandse sake, Aaron Motswaledi, het die uitvoer van die eerste lasbriewe Vrydag bygewoon.
Hy het sy versekering gegee dat dit tekenend is van hul vasberadenheid om korrupsie in die departement uit te roei.
15
NOV
6am

LUR van R25 000 kontant beroof tydens kaping

Niemand is nog aangekeer vir die kaping en roof van LUR, Speedy Mashilo, Donderdag nie.
Mashilo is die Mpumalanga LUR vir menslike nedersettings en streeksvoorsitter van die ANC.
Volgens polisiewoordvoerder, brig. Selvy Mohlala, was hy om ongeveer 12:00 op pad om te gaan jag, toe hy op die R568 tussen Ekangala en KwaMhlanga deur gewapende rowers in ‘n BMW voorgekeer is. Hulle het vuurwapens op hom gerig om hom te dwing om stil te hou.
Hulle het Mashilo in die BMW in forseer en met hom en sy Toyota Hilux na die Oos-Rand gery.
Hy is na sowat agt uur in ‘n afgeleë gebied naby Thembisa afgelaai war hy deur verbygangers gehelp is.
Buiten sy bakkie is hy van R25 000 kontant, bankkaarte, kruideniersware, ‘n gelisensieerde jaggeweer en 25 rondtes ammunisie beroof.
11
NOV
5am

Twee vas wat department uit miljoene bedrieg

Twee mans wat na bewering saamgesweer het om meer as R4,5 miljoen by die departement van landbou, grondhervorming en landelike ontwikkeling te steel, het gister in die Nelspruit-landdroshof verskyn.
Ronny Germany Ngwenyama en Tinyiko Shadrack Golele word van bedrog, diefstal en geldwassery aangekla.
Golele was 'n werknemer van die Mpumalanga departement en werk tans in Polokwane vir die departement van landbou.
Volgens die Valke se kapt. Dineo Sekgotodi sal hul familielede wat ook in die geld gedeel het, na verwagting ook nog aangekla word.
Albei is borgtog toegestaan van R5 000. Die saak is uitgestel tot 4 Februarie.
10
NOV
7am

Groot skade na jongste storm

Dele van Mbombela en Nkomazi is die afgelope naweek erg beskadig deur storms.
Volgens Jacques Benade van provinsiale rampbestuur was die meeste skade gekonsentreer in Nkomazi. Sowat 560 huise, twee gemeenskapsale, 14 skole, nege kerke, 12 winkels en twee gastehuise is beskadig.
Hy voeg by dat nog sulke storms vir die res van die somer verwag kan word, weens veranderende klimaatspatrone.
10
NOV
4am

Verdagte vas na vroeg-oggend jaagtog

‘n Verdagte is aangekeer en een is voortvlugtig na ‘n jaagtog wat uitgeloop het op ‘n skietery by Crossing-sentrum vanoggend.
Albert Gryvenstein van Bossies Community Justice sê hy het inligting bekom oor ‘n Oranje VW Polo wat in die vroeë oggend-ure in Ermelo gesteel is.
Sekuriteitsbeamptes van BCJ en Hi-Tech Sekuriteit het reageer en die verdagtes vanaf Barberton tot by Crossing agternagesit waar die skietgeveg uitgebreek het.
Niemand is beseer nie. Een verdagte kon vlug. 'n Vuurwapen is ook teruggekry
09
NOV
5am

Bietjie teater by Innibos

Innibos hou vanjaar vanaf 1 tot 5 Desember 'n Bietjie-bietjie-Bos.
Hierdie weergawe van die jaarlikse Innibos Kunstefees sal aansienlik kleiner wees as die gewone fees in Junie wat die afgelope twee jaar weens die Covid-19-pandemie nie plaas kon vind nie.
Philna Scholtz, programbestuurder van die fees, sê dit is belangriker as ooit om kunstenaars te ondersteun.
Kaartjies is beskikbaar by Computicket.
08
NOV
6am

Drie verdagtes gesoek wat op polisie skiet

Die polisie is op soek na drie verdagtes wat om ongeveer 1-uur vanoggend by 'n kroeg in Tonga ingebreek het.
Die mans, gewapen met 'n geweer en handwapens, het op die polisielede op die toneel geskiet. Hulle het teruggevuur.
Brigadier Selvy Mohlala sê hulle glo dat ten minste een van die aanvallers gewond is.
Die publiek is gevra vir inligting.

557 episodes

« Back 1—12 More »