Pieter Möller - Landbou Insetsels
Skakel weeksoggende vanaf 05:00 in op die OFM Agri-Uur vir die jongste landbousake. Pieter Möller gesels met verskeie kenners en doen verslag oor gebeurtenisse as deel van hierdie nisprogram.
02
FEB
PM berig oor die Veevoer-vervaardigingsvereniging wat ‘n nuwe leier aangewys het
Die Veevoer-vervaardigingsvereniging het onlangs ‘n nuwe voorsitter verkies. Anina Hunter, die nuwe voorsitter, was voorheen vir ses jaar deel van AFMA se raad. Hunter het genoem dat Afma se visie is om ‘n veevoerleier te wees sodat die bedryf kan groei en ontwikkel. Die vier fokusareas van die organisasie vir die volgende drie jaar, sluit in landboumeestersplanne, bedryfsopleiding en –ontwikkeling, die rol van bedryfsreguleerder en die rol om SA se mislukte infrastruktuur weer te aktiveer.
01
FEB
Dr Johnny vd Merwe gesels oor die jongste kommoditeitspryse
Senior landbou-ekonoom, Dr Johnny van der Merwe van die NWU, bespreek die afgelope week se jongste graanpryse. Wit- en geelmielies se spotpryse het skerp gedaal. Pariteitspryse is onder groot druk as gevolg van goeie reen in Argentinie. Sonneblompryse het ook gedaal sowel as sojapryse terwyl sonneblompryse verder gedaal het. Koringpryse kry tans ondersteuning en sorghum se pryse het effens gedaal sowel as die van uitgedopte grondbone.
01
FEB
Dr Johnny van der Merwe gesels oor die jongste vleispryse en –tendense
Senior landbou-ekonoom, Dr Johnny van der Merwe, bespreek die jongste vleispryse en –tendense. Die rand het die afgelope week swakker getoon teenoor die Amerikaanse dollar, waarskynlik as gevolg van die Eskom-krisis. Slagpryse is steeds onder druk en het gedaal, en beurtkrag speel steeds ‘n groot rol. Hoenderpryse het effens gestyg in die week. Varkvleispryse het intussen weer effens gedaal.Die afwaartse tendens kan tot in Mei voortduur.
31
JAN
Prof. Frikkie Maré, senior landbou-ekonoom van die Universiteit van die Vrystaat
Prof. Frikkie Maré, bekende senior landbou-ekonoom, verbonde aan die Universiteit van die Vrystaat, gesels oor die verhoging in rentekoerse met die doel om waarskynlik inflasie laer te probeer hou. Die gevoel van ekonome is tans dat die rand swakker daaraan toe is as ander geldeenhede in die wêreld. Onderliggende probleme in Suid-Afrika, speel egter ‘n groot rol. Beurtkrag skrik internasionale beleggers af. ‘n Duister prentjie vir ekonomiese groei word dus voorspel wat ten minste vir vanjaar gaan voortduur.
30
JAN
PM gesels met ‘n bekende leierboer uit die Suid-Vrystaat
Louwrens Conradie is ‘n bekende leierboer en Dohne-Merino teler van Edenburg in die Vrystaat. Hy vertel van die landboutoestande in hulle omgewing, van goeie reën in die afgelope paar weke tot erge hittegolwe die laaste week en meer. Conradie vertel ook van hul opgewondenheid oor hul produksieveiling wat later in die week plaasvind.
30
JAN
PM berig oor die 53ste kongres van veekundiges in Pietermaritzburg
Die uitdagings in die veebedryf in ‘n vinnig veranderde omgewing was van die belangrikste besprekingspunte by die kongres van die SA Vereniging vir Veekunde. Toekennings is tydens die kongres oorhandig vir die beste wetenskaplike artikel en die beste gepubliseerde navorsing. Dr Michael Bradfield, legende in die landboubedryf wat verlede jaar oorlede is, het in postuum ook ‘n toekenning ontvang.
27
JAN
Charl Saunderson gesels in sy weeklikse progam “Kom ons praat ‘n bietjie boer”
Charl Saunderson is ‘n bekende dorper stoet-teler van Kenhardt in die Noord-Kaap, maar ook ‘n berader, predikant en motiveringspreker. Hy gebruik eenvoudige “boere-terme” om ‘n belangrike skakel in die boerdery uit te wys en deel so ‘n paar lesse met mede-landbouers. Vandag vertel hy van die hitte in die Noord-Kaap en hoe landbouers en hul diere by die omstandighede aanpas.
27
JAN
PM berig oor ‘n oplossing vir bees-tuberkulose
Farminglife berig oor intensiewe navorsing, wat veral in Ierland gedoen word om bees-tuberkulose te bekamp. Groter samewerking tussen navorsingsinstitute speel ‘n groot rol om ‘n haalbare oplossing te vind omdat daar beraam word dat besmette beeste se kans tot 40% is om binne drie jaar weer besmet te raak.
26
JAN
PM berig oor die negatiewe uitwerking van verhoogde inflasie vir verbruikers
Die opwaartse neiging van inflasie aan die einde van verlede jaar, was in teenstelling met ekonome en ontleders se verwagtinge dat pryse sou daal. Volgens BusinessTech het die verhoogde rentekoerse in November verlede jaar verder druk geplaas op verbruikers. Veral pryse van biefstuk, stowebeesvleis en maalvleis het gestyg. Die suiwelindeks met produkte soos melk, eiers en kaas het uiteindelik ‘n jaarlikse styging van 10,5% getoon.
25
JAN
Dr. Johnny van der Merwe, gesels oor die jongste kommoditeitspryse
Senior landbou-ekonoom, Dr Johnny van der Merwe van die NWU, bespreek die afgelope week se jongste graanpryse. Wit- en geelmieliepryse het goeie stygings getoon. Pariteitspryse het egter gedaal as gevolg van goeie reen in Suid-Amerika. Sojapryse het sywaarts gebly terwyl sonneblompryse gedaal. Koringpryse het efefens gestyg en sorghum se pryse het effens gestyg sowel as die van uitgedopte grondbone.
25
JAN
Dr. Johnny van der Merwe gesels oor die jongste vleispryse en –tendense
Senior landbou-ekonoom, Dr. Johnny van der Merwe bespreek die jongste vleispryse en –tendense. Die rand het die afgelope week heelwat gedaal teenoor die Amerikaanse dollar, waarskynlik as gevolg van die Eskom-krisis. Slagpryse is steeds onder druk maar lampryse het gestabiliseer. Hoenderpryse het sterk gedaal in die week. Varkvleispryse het intussen weer effens gedaal. Die afwaartse tendens kan tot in Mei voortduur.
24
JAN
Prof. Frikkie Maré, senior landbou-ekonoom van die Universiteit Vrystaat
Prof. Frikkie Maré, bekende senior landbou-ekonoom verbonde aan die Universiteit van die Vrystaat, gesels oor beesvleiskwaliteit in Suid-Afrika en die herrie wat losgebars het oor die sogenaamde “taai” vleis wat in die Suid-Afrikaanse rooivleisbedryf voorkom. Die artikel het gevolg na sekere navorsing wat gedoen is. Maré voel dat produkte wat gelewer word, tans van wisselende kwaliteit is en dat konstante kwaliteit baie belangrik is vir die toekoms.
