Die Suid-Afrikaanse Bankrisiko-inligtingsentrum (Sabric) sê die grootste bedreiging wanneer dit by finansiële misdaad kom is “social engineerging” waardeur mense gefop word om hul besonderhede te deel en dan so besteel word.
Daar is soveel voorbeelde van die praktyk, wat net in die laaste maand of twee in die nuus was. Basies doen mense hulself voor as ander op so ‘n manier dat jy, die slagoffer, dink dit is geloofwaardig.
Byvoorbeeld, bedrieërs maak asof hulle Sassa-werknemers is om jou inligting te steel en toegang tot jou rekening te kry of die “poskantoor” wil hê jy moet ‘n fooi betaal voor jy ‘n pakkie kan afhaal – en dan betaal die in die skelms se rekeninge in.
Onlangs het scammers hulself as ‘n bank se IT-personeel voorgedoen om – met mense se toestemming, onder die valse voorwendsel van sekuriteit - sagteware op hul tablette of fone af te laai om hul besonderhede en geld te steel.
Die uitvoerende hoof van Sabric, Nischal Mewalall, vertel ons meer oor wat mense uit voor kan kyk om hulself en hul geld beter te beskerm.

Mense sukkel om kop bo water te hou, sê Marina Erasmus van Sanca Laeveld.
Die wêreld het sedert April 2020 baie verander en tot op hede het dit nog nie makliker geword nie.
"Dit is nie soseer dat mense in hierdie tyd meer dwelms gebruik nie weens verveling of opwinding nie – dalk ‘n klein bietjie, maar dit gaan eerder oor die druk en ons 'cope' nie," sê sy vir Sanett.

Hoërskool Bergvlam se revue is vanjaar “Dreamville” Dit word van 10 tot 13 Augustus aangebied by die skool en is ‘n mengsel tussen “Pretville” en “Hairspray”.
Dit is egter “Dreamville Take 2” omdat dit verlede jaar weens die Covid-pandemie gekanselleer moes word.
Tamira Jamal en Caleb Hardnick het vir Gerhardt meer vertel daaroor.

Na 35 jaar in die onderwys roep Arrie en Rénaldia Henn die beroep – en die Laeveld - vaarwel toe. Arrie is reeds 22 jaar die hoof by Laerskool Nelspruit. Rénaldia het in 2000 die Nellie Miere-kleuterskool begin.
Albei sê dit was 'n ongelooflike voorreg, en hulle gaan baie na die kinders verlang.

Margit Meyer Rödenbeck, oftewel Dowwe Dolla, sê sy is nie van nature snaaks nie, maar kan die snaaks sien in dinge.
Sy ken egter van komedie, en het 'n "mini-werkswinkel" tydens Sanett te program aangebied om jou te help om 'n grappie beter te kan vertel.

Klein baba Ayden van Niekerk, wat twee maande gelede by die huis in Lydenburg ophou asemhaal het, is met HIE gediagnoseer.
Sy ma, Estelle van Niekerk, het vir Sanett verduidelik dat 'n tweede MRI gister bevestig het dat sy hele brein skade gelei het.
Sy hoop egter steeds vir 'n wonderwerk. Sy voeg by dat die voorval niks met verstikking te doen gehad het nie.