Maroela Media Nuus
Maroela Media hou jou op hoogte van die jongste nuusgebeure. Hier kan jy in klankformaat daarna luister.
ANC, EFF maak voortuitgang by Gamagara-munisipaliteit 'ongedaan'
Volgens Henriette du Plessis het die nuwe burgemeester ook die protokolbestuurder weer aangestel, wat op ʼn strafregtelike klagte teregstaan omdat hy na bewering 'n hond met 'n byl opgekap het.
Netbal SA moet ‘probleme pak, nie stemme stilmaak’
Ronald Peters, bestuurder van AfriForum Sport, sê AfriForum doen ’n beroep op Netbal Suid-Afrika en sy beheerliggame om kritieke kwessies te prioritiseer en die hoof te bied eerder as om geldige bekommernisse en stemme te probeer onderdruk.
Bewerings van politieke opstokery in Swellendam-oproer
Isaac Sileku, die DA se provinsiale woordvoerder oor plaaslike regering, sê daar is gerugte – weliswaar nog ongetoets – dat die betogings deur “niemand anders nie as die ANC aangehits is”.
‘Kaping van skole sal nie geduld word’
Die burgerregte-organisasie AfriForum is gereed vir regsaksie as die Bela-wetgewing aanvaar word. Alana Bailey, AfriForum se hoof van Kultuursake, beklemtoon dat die Bela-wet onderwys in die land ingrypend sal skaad indien dit in die huidige formaat aanvaar word en is daarom gereed om dit met litigasie teen te staan.
Antwoorde geëis oor Zuma se spesiale kwytskelding
AfriForum het Donderdag ’n aansoek ingevolge die Wet op die Bevordering van Toegang tot Inligting (Paia) by die kantoor van pres. Cyril Ramaphosa ingedien om meer inligting te bekom rakende oudpresident Jacob Zuma se onlangse spesiale kwytskelding.
Eskom skarrel om uit minagting van die hof te kom in Lichtenburg-elektrisiteitsage
Die DA in Noordwes vind Eskom se slinkse poging om ’n situasie te skep waar die entiteit nie meer in minagting van die hof is nie in die Lictenburg-elektrisiteitsage walglik.
Finale aanmaning aan Eskom oor kragtoevoer na Lichtenburg
Leon Basson, die DA se provinsiale leier in Noordwes, sê hulle doen 'n beroep op Eskom om rede te sien en dadelik kragtoevoer te hervat, of hom 'n nederlaag in die hof op die hals te haal.
Bok-vroue oorgehaal vir nuwe toernooi
Louis Koen, tussentydse hoofafrigter van die Springbok-vroue, meen die nuwe WXV 2-toernooi, wat in Oktober in die Wes-Kaap plaasvind, hou groot potensiaal en aantrekkingskrag in.
13 vroue nou ook meesterslagters by Shoprite
Dorothy Labuschagne, van die slaghuisopleidingsafdeling by Checkers Hyper Edenvale in Gauteng, het aan die Master Meat Artisan-program deelgeneem en sê dit was ʼn uitstekende leerskool. Labuschagne is al die afgelope 28 jaar by die Shoprite-groep betrokke.
Sewe vas vir ontvoering, moord op boer
Die DA het sy skok oor die moord op Mike Pattinson van Harrismith, Vrystaat, te kenne gegee en moedig boere en landelike inwoners aan om hul veiligheidsmaatreëls op te skerp.
Wanneer ʼn ma se gemoed té donker word ...
’n Psigiater van Pretoria sê dit is ongelukkig in sommige gevalle só dat voorgeskrewe medikasie vir ma’s met geestesversteurings die verskil tussen lewe en dood beteken.
Duisende brandalarms nou in Wes-Kaapse nedersettings
Die Wes-Kaapse regering het 13 000 brandalarmstelsels – ter waarde van sowat R2,6 miljoen – in informele nedersettings aangebring as proaktiewe maatreël om die brandrisiko in kwesbare gemeenskappe te beperk.
Bloulig-aanval: ‘Hulle het vir hul lewens gevrees’
Ian Cameron, Action Society se direkteur van veiligheid, sê die slagoffers van die opspraakwekkende bloulig-aanval het vir hul lewens gevrees en na aanleiding van dié voorval is dit tyd dat die noodsaaklikheid van die BBP-beskermingseenheid heeltemal herevalueer word.
Bloulig-voorval: Spesialiseenheid se 'boeliegedrag' onaanvaarbaar
Dr. Pieter Groenewald, leier van die VF Plus, sê daar sal sterk opgetree moet word teen die betrokkenes wat die naam van die polisie se BBP-beskermingsdiens deur die modder sleep.
Shell gesels oor dieseluitdagings
Shell betreë die wêreld van biodiesel.
Aan haar geliefde Gerco: "Ons wag vir jou"
Lees die volledige artkel hier: https://maroelamedia.co.za/nuus/sa-nuus/aan-haar-geliefde-gerco-ons-wag-vir-jou/
Plaasaanvalle en -moorde het 'n rimpeluitwerking
Uys van der Westhuijzen, voorsitter van Agri SA se sentrum vir landelike veiligheid, verduidelik ’n plaasaanval en -moord raak ook nie net die slagoffers nie, maar ook die slagoffer se gesin, die werkers en die landelike gemeenskap.
‘Waar sal ons hulp vandaan kom’, vra boere onder beleg
Jacques Broodryk, AfriForum se woordvoerder oor gemeenskapsveiligheid, verduidelik hoe boere op hulself aangewese is vir beskerming en veiligheid – sonder veel hulp van die staat. Hy gee ook raad oor wat boere kan doen om hulself te beveilig.
Boere moet self verantwoordelikheid vir hul veiligheid neem
VF Plus-leier dr. Pieter Groenewald verduidelik wat boere moet doen om hulself op die plaas te beveilig.
SA’ners sonder burgerskap: Jy haal nie SA uit iemand se siel
Soos menige ander Suid-Afrikaner was Erik Le Roux destyds geskok toe hy uitvind sy Suid-Afrikaanse burgerskap is opgeskort.