Tania Strauss: Haal asem en weet God wil jou vashou

Tania Strauss, is ʼn gospelsangeres en motiveringspreker, asook die stigter en direkteur van die Annebel-stigting. Sy is ʼn ma van twee kinders en ook ʼn skrywer. Haar jongste boek “Haal asem” is ʼn kykie na die lewe in ʼn doodgewone huisgesin en dit bevat ook haar eie persoonlike getuienis van God se deurlopende genade. Sy het onlangs in Maroela Media se ateljee kom kuier om te gesels met Esté Meyer Jansen oor dié boek en die raad wat sy as ouer graag met ʼn tikkie humor aan ander mammas deel.