Twee vasgetrek in Sabie met gesteelde goedere

Twee verdagtes van 29 en 32 jaar oud is gister in Sabie aangekeer deur die Nelspruit Blitspatrollie.
Hulle was glo in die besit van ongelisensieerde vuurwapens en ammunisie.
Volgens kaptein Gugu Phiri was hulle in 'n voertuig wat na bewering by Kabokweni gekaap is. Die nasporingsmaatskappy en polisie het gevolg.
Sy sê hulle het in bosse in gevlug toe hulle besef hulle word agtervolg en is deur ‘n vriend opgelaai.
Die polisie het hulle na ‘n huis in Sabie gevolg. Drie 9 milimeter pistole sowel as vermoedelik gesteelde selfone is in hul besit gevind.
Beide behoort vandag in die hof te verskyn.