N4-ongeluk eis vyf lewens

Vyf mense is dood in ‘n ongeluk op die N4 naby Ngodwana vanoggend toe ‘n Volkswagen Polo teen die kant van ‘n konstruksie-vragmotor gebots en omgeslaan het. Volgens die departement van gemeenskapsveiligheid in Mpumalanga, is al vyf insittendes op slag dood. ‘n Kind en twee vroue tel onder die oorledenes. ‘n Isuzu-bakkie het daarna ook in die vragmotor vasgery en sy bestuurder is lig beseer. Woordvoerder, Moeti Mmusi, sê die oorsaak van die ongeluk word ondersoek.