Omgewingsmisdaad-ondersoeker deur seekoei gedood in die Krugerwildtuin

# SANParke het sy medelye betuig aan die familie, vriende en kollegas van 'n senior bestuurder in die ondersoekeenheid vir omgewingsmisdade. Kobus de Wet was in Groenkloof, Pretoria gestasioneer. Hy is Saterdag in die Krugerwildtuin dood, nadat hy deur 'n seekoei bestorm is terwyl hy daar gekamp het. Die woordvoerder van die wildtuin, Ike Phaahla, sê die presiese besonderhede van die voorval is tans onduidelik en die omstandighede word ondersoek.