Pasgebore babaseuntjie in park in Middelburg ontdek
Loading player...
Die polisie ondersoek ‘n saak van kinderverwaarlosing na ‘n pasgebore baba in Van Blerk Park in Middelburg ontdek is. Volgens die Mpumalanga polisie het ‘n man wat verlede Vrydagaand herwinbare produkte in 'n asblik gesoek het, die seuntjie in 'n plastieksak toegedraai ontdek. Die naelstring was nog aan die baba vas. Hy is hospitaal toe gehaas en vorder volgens berigte goed. Liza Labuschagne wat reeds verskeie jar Liznica House of Hope in Mbombela bedryf, waar hulle na weggooibabas omsien, sê desperate ouers moenie skroom om Child Welfare vir hulp te nader nie.
