24 vas vir mensehandel in Kaapmuiden

24 mense is gisteroggend tydens ‘n intelligensie-gedrewe operasie gearresteer vir beweerde mensehandel en oortreding van die Immigrasiewet. Die woordvoerder van die Valke in Mpumalanga, Kaptein Dineo Sekgotodi, sê Misdaadintelligensie en die snelwegpatrollie-eenheid het gereageer op inligting en ‘n Quantum op die R38 tussen Low's Creek en Kaapmuiden afgetrek. Die bestuurder en 23 passasiers, almal buitelandse burgers, sal na verwagting môre in die Barberton-hof verskyn. Nog arrestasies word verwag.