DA sê Mpumalanga begroting ignoreer werkloosheid, kragkrisis

Die DA in Mpumalanga voer aan dat die aangepaste begroting - wat gister deur die LUR vir Finansies, Ekonomiese Ontwikkeling en Toerisme, Nompumelelo Hlophe - ter tafel gelê is, nie werkskepping of die kragkrisis aanspreek nie. Volgens DA-lid Bosman Grobler, het hulle verwag dat sy befondsing beskikbaar sou maak aan die Departement van Samewerkende Regering om munisipaliteite te help om ooreenkomste aan te gaan met onafhanklike kragverskaffers en so hul afhanklikheid van Eskom te verminder. Instede is meer fondse bewillig vir die konstruksie van die Mpumalanga Varsproduktemark.