Long Tom-pas busongeluk eis sewe

Sewe passasiers is dood en 52 mense beseer in 'n busongeluk toe ‘n luukse bus Vrydagmiddag op die R37 Long Tom-pas omgeslaan en by die krans afgerol het. Volgens Kyle van Reenen, die woordvoerder van Emer-G-Med, het die ongeluk omstreeks 16:50 plaasgevind. Spesialis-reddingswerkers moes die beseerdes na die padoppervlak bring. Drie mense is kritiek beseer en per helikopter na mediese fasiliteite geneem vir behandeling. Die woordvoerder van die Mpumalanga departement van gemeenskapsveiligheid, Moeti Mmusi, sê die oorsaak van die ongeluk word ondersoek.