Onafhanklike kandidate kieshof toe voor Tlokwe-tussenverkiesings

Onafhanklike kandidate wat vandeesweek aan die Tlokwe munisipale tussenverkiesings in Noordwes deelneem wil nou hê die kieshof in Bloemfontein moet die kiesersrol hersien en ter syde stel. Die onafhanklike kandidate hou vol daar is nie adresse vir kiesers op die nuwe kieserslys nie. Die kandiate se regsverteenwoordiger, Hans Jurie Moolman sê volgens sy kliente is daar 4 160 kiesers wat geregistreer is op die kiesersrol sonder adresse.

Die tussenverkiesing vind na verwagting Woensdag in sewe kiesafdelings plaas. Moolman sê die OVK moet gelas word om binne ‘n sekere tyd die bestaande gebrekke op die kiesersrol aan te spreek.