Nog te veel vrae rondom Mafikeng: veiligheidskenner

Daar is tans te min inligting om met sekerheid te kan sê wat die omstandighede by die NWU se Mafikeng-kampus was ten tye van verlede week se gewelddadige betogings, en wat die moontlike nagevolge kan wees.

Johan Burger, senior navorser aan die Instituut vir Sekerheidstudies, se komentaar volg nadat studente met veiligheidswagte slaags geraak nadat 'n inhuldigingseremonie van die nuwe studenteraad ontwrig is. Minstens veertien studente is beseer, waarvan drie glo koeëlwonde opgedoen het.

Burger sê indien dit wel die geval is kan die betrokke veiligheidswagte hulself aan die verkeerde kant van die gereg vind.