Privaatbelegging in Noord-Kaap belangrik Premier Sylvia Lucas

Privaatbelegging in die Noord-Kaap is belangrik vir die plaaslike ekonomie en word aangemoedig.

Noord-Kaap premier Sylvia Lucas sê omdat die provinsie se ekonomie afhanklik is van mynbou en landbou is beleggings in dié bedrywe noodsaaklik.

Lucas het by die bekendstelling van GWK se nuwe meule en koekie- en pastafabriek op Modderrivier gesê dié twee sektore is veral onder druk weens die dooierige internasionale en plaaslike ekonomie.

Andre Grobler berig dat volgens Lucas, het die provinsiale regering reeds gedoen wat hulle kon om kleinboere te help met die droogtetoestande en hoop die nasionale regering kan moontlik nog hulp verskaf.