Malema verskyn in BFN oor uitlatings oor grond

Lede van die EFF is buite die landdroshof in Bloemfontein byeen waar die party se leier, Julius Malema vanoggend verskyn op aanklag dat hy die Wet op Oproerige Byeenkomste oortree het. Die klag spruit uit uitlatings wat hy tydens ’n toespraak in Bloemfontein gemaak het waar hy EFF-ondersteuners aangemoedig het om grond te beset. Malema het in November verlede jaar in die hof in Newscastle op dieselfde aanklag verskyn. Sy regspan wil egter die wet ongrondwetlik laat verklaar. Die EFF se voorsitter in die Vrystaat, Kgotso Morapela, sê die EFF lede wil hul ondersteuning aan Malema betoon.