Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
25
NOV

Kersfees HOOPstoot 3 - Candice se kunsbeen vir Kersfees

Candice Badenhorst (37) was 19 jaar oud toe sy met ‘n vorm van beenkanker gediagnoseer is. Na 5 sessies chemoterapie het hulle die gewas uitgesny, maar kort daarna was daar weer ‘n knoppie op haar been. Na die opvolgoperasie het die wond nie gesond geword nie en 4 maande voor haar 21ste verjaardag is haar been geamputeer.

Die verlies van haar been, 16 jaar gelede, het Candice nog nooit ondergekry nie. Sy het wél een groot droom: Om eendag hand-aan-hand met haar kinders te kan loop... Iets wat sy nog nooit met haar krukke kon doen nie. Candice en haar man Francois het twee seuns – 5 en 7 jaar oud - en hulle, saam met die ondersteuning van haar ma, is die grootste rede hoekom sy nie sal gaan lê nie.

Haar briefe aan ons was ook nie vir hulp vir haarself nie. “My ma is die wonderlikste mens. Sy het alles opgeoffer om my beter te kry, skuld aagegaan vir doktersrekeninge en nog baie meer. Sy kan self nie meer werk nie as gevolg van haar gesondheid en bly in ‘n woonstel in ons erf. Al wat ek vra is ‘n bietjie bederf, want sy sal haar laaste gee vir mense al het sy self niks nie.”

Ons span het met Candice afgespreek om haar ma by ‘n koffiewinkel te verras. Candice het vir haar ma gesê sy moet gaan vir ‘n werksonderhoud... Danksy Chris van SkinPhD in Mall@Reds kon ons die tannie bederf met ‘n reuse R5000 geskenkbewys vir van hare en naels tot produkte en grimering! Die tannie was so dankbaar en Candice het gedink ons is klaar...
Maar toe kom haar man Francois en 2 seuntjies, almal met blomme in die hand en die GROOTfm span met balonne om die hoek en kom staan om die tafel waar Candice se ma nog effens oorbluf voel na die lekker verrassing...
En na ons Candice uitgevra het oor haar droom en sy tussen deur die trane probeer verwoord, tree Ben Prinsloo van Prinsloo Ortopedies en Simoné Weyers van Weyers Ortopediese Dienste vorentoe met die nuus dat hulle, in samewerking met ӦSSUR wat die parte voorsien vir Candice.
18
JUL

Mandela Dag - SPAR Northrand

SPAR Northrand het besluit om vir Madibadag 154 van hulle winkels uit te daag om blikkies kos te skenk vir GROOTfm90.5 se #lositbeter projek! Ons het by hulle ‘n draai gaan maak waar 'n span van 18 mense al van vroeg die oggend die telefone wit warm gebel het om seker te maak ons kan 'n hele paar leë koskaste bietjie beter los as wat ons dit gekry het... 'n Baie opwindende "telethon" en teen 10:30 het SPAR se kosspesialis en ook die dryfveer agter hierdie inisiatief, Karien Strydom, gesê hulle het reeds drie keer meer as hulle aanvanklike doelwit behaal met nog 'n hele paar winkels wat gebel moet word!
25
JUN

#JouMenseMyMense – 25 Junie – Just Being Marinel

Nelmari en IP van Niekerk is beide onderwysers. Nelmari by Hoërskool Montana en IP by Hoërskool Akasia. Hulle is in 2008 getroud en hulle pragtige dogtertjie, Marinel is in 2010 gebore. Alles het aanvanklik perfek gelyk tot op so 9 maande oud. Marinel kon nog nie sit nie en IP en Nelmari is na die Babaterapiesentrum verwys waar die terapeute hulle op ‘n paar duidelike agterstande gewys het ten opsigte van Marinel se ontwikkeling. Iets was fout, maar niemand kon regtig hulle vinger daarop sit nie.

Hulle het begin by ‘n pediatriese neuroloog waarna verskeie toetse gevolg het. Toetse is selfs weggestuur na London en België, maar alles het elke keer negatief teruggekom. Hulle is verwys na ‘n dokter wat spesialiseer in ginetika en ook na die Witssentrum vir Ginetika-studies, maar weereens was daar geen antwoorde nie.

Marinellie het begin kruip in 2014 toe sy vier jaar oud was en begin loop in 2016 op 6 jarige ouderdom. In 2017 is Marinel se boetie, Ignus gebore. Soos pappa IP sê: "Marinel was ons redding en Ignus is ons seëning".

Vandag is Marinel 9 jaar oud, maar haar breinontwikkeling is ongeveer op die vlak van ‘n 14 maande oue baba. Sy kan nie praat nie en dra volwasse doeke - Marinel is in elke opsig, emosioneel en fisies, totaal en al afhanklik van IP en Nelmari. En steeds is daar nie ‘n naam of diagnose vir Marinel nie - so IP en Nelmarie praat van “JBM Sindroom” (Just Being Marinel Syndrome).

152 episodes

« Back 1—12 More »