Bloedbank vir honde en renosters red lewens

Dit was ‘n Kersdag en dr. Marita Raath was die veearts op roep, toe sy ‘n baie siek hond moes help wat bloed nodig gehad het.
“Dit was baie moeilik om ‘n geskikte skenker vinnig by die praktyk te kry, en die hond het baie dringend bloed nodig gehad,” sê sy.
Daar het sy besef hoeveel makliker dit sou wees as veeartse hondbloed in hul yskaste kon hou vir noodgevalle. So is die Lowveld Blood Bank gebore.
Hulle samel ook renosterbloed in, wanneer ‘n renoster in die veld gepyl word vir welke rede, vir gebruik deur Care for Wild se renosterwesies. Sy het vir Mireille vertel hoe werk dit.