#DieGROOTBrekfis Ivor Swartz - Kies die Lewe

Dié September op VIA: Die lewe se lig en donker Die lewe is ’n lied In ’n nuwe geselsprogram praat Ivor Swartz, die aanbieder en skrywer van Kies die lewe, oor sy pad met depressie. Hy gesels met allerlei mense oor hul reis met die swart hond, angs en wat daarmee gepaard gaan. Volgens Ivor is stilbly oor geestesverwante siektes die eintlike “siekte van ons tyd”. Om daaroor te praat verander nie die werklikheid of die feite nie, maar dit verander die narratief. Bekendes soos Amanda Strydom, Amalia Uys en Antoinette Louw deel ook hul stories. Ons gesels oor die rimpeleffek van egskeiding, miskrame, selfdood-verlies , bipolêre depressie en liggaamsdismorfie. Dié program is geskoei op Ivor se boek wat die titel deel, uitgegee deur Lux Verbi Uitgewers. Vanaf 5 September, Maandae om 18:30 met heruitsendings op Dinsdae om 17:00