Nelspruit stoeiers presteer by SA's

--:--
Vier stoeiers van Nelspruit Stoeiklub het uitstekend gevaar by die onlangse Suid-Afrikaanse kampioenskappe in Kaapstad.
Samuel Odendaal (15) het silwer in Grieks-Romeins en brons in vrystyl o.51 kg gewen.
Jaden Deysel (13) het goud in vrystyl en goud in Grieks-Romeins o.51 kg verower.
Louis Odendaal (13) is ‘n goue medalje ryker in vrystyl en ‘n silwer in Grieks-Romeins o.34 kg.
Matthias Odendaal (11) het op sy beurt ‘n brons in vrystyl o.34 kg gekry.
Vanjaar was ook die eerste keer in sowat 15 jaar dat Mpumalanga by die Noordvaal Elite-toernooi ‘n medalje kon wen en het met brons huis toe gekom.
Boeties Samuel, Louis en Matthias was ook in dié span. Hulle het saam met ma en spanbestuurder, Suné, in die ateljee kom kuier.
27 Oct 2022 Afrikaans South Africa Music · News

Other recent episodes

100 km vir Tswale

Sonell Joubert wil graag haar olifant, Tswale, se groot dam, waarvan die wal gebreek het tydens die oorstromings in Nkomazi verlede jaar, herstel. Om dit te befonds pak hierdie stapper Saterdag 'n 100 km-veldwedloop aan.
20 Feb 13 min

Blêrbeker 2024: Lydenburg-dirigente

Die sewe skole wat Saterdag aan die Laeveld Interhoër-atletiekbyeenkoms deelneem, ding ook mee om 100.5FM se gesogte Blêrbeker deur die beste gees te toon. Die verdedigende kampioene, Hoërskool Lydenburg, se dirigente het by Sonop Ontbyt in die ateljee kom kuier.
20 Feb 8 min

MJ Zwane Independent Schools-atletiekbyeenkoms

MJ Zwane was 'n jong atleet by Uplands wat in 2019 onderweg na 'n byeenkoms in 'n motorongeluk oorlede is. Die skool het besluit om hul jaarlikse byeenkoms vir privaatskole na hom te vernoem. Hilton Kotze van Chas Everitt, die hoofborg, het saam met Ryan McCarthy, die sporthoof by Uplands…
20 Feb 9 min

BCJ my baba, al is dit moeilik

Hy sal nooit Bossies Community Justice kan opgee nie, sê Albert Gryvenstein oor hierdie nie-winsgewende organisasie wat misdade help ondersoek in die Laeveld. Hy gesels oor onlangse hoë-profiel moorde wat die area geskok het, en hul betrokkenheid by die ondersoeke.
19 Feb 8 min

Interhoër 2024: Hoërskool Nelspruit-dirigente

Die sewe skole wat Saterdag aan die Laeveld Interhoër-atletiekbyeenkoms deelneem, ding ook mee om die Blêrbeker op 100.5FM. Hoërskool Nelspruit se dirigente het by Sonop Ontbyt in die ateljee kom kuier.
19 Feb 12 min