Kampe in wildtuin onbereikbaar weens oorstromings

Vier kampe sowel as verskeie paaie en brûe in die Krugerwildtuin is ontoeganklik weens oorstromings, maar geen beserings is nog by mense of diere aangemeld nie. Die Onder-Sabie, Krokodilbrug, Biyamiti en Talamati-kampe word erg geraak en is onbereikbaar. 'n Woordvoerder van SANParke, Ike Phaahla, sê hulle monitor deurlopend die situasie en is in kontak met die gaste in die kampe. Gaste van Talamati is na Satara verskuif. Nog reën word verwag. Alle besoekers is gewaarsku om grondpaaie te vermy. Gaste is ook genooi om hul besprekings te verander.