Interlaer 2023: Venue skuif na gasheerskool

Nelspruit Primary bied vanjaar die interlaer-atletiekbyeenkoms vir groot skole in die Laeveld aan. Dit sou aanvanklik op Hoërskool Bergvlam se gronde plaasgevind het, maar weens die swaar reën die afgelope weke is dit nie meer geskik nie. Dit sal nou op Primary se eie sportvelde plaasvind. Die hoof, Werner van Tonder, sê dit was 'n kwessie van voortgaan, of dit afstel. Hy deel van die logistieke reëlings met die Sonop-ontbytspan.