SAVPO: Die varkbedryf verstaan die impak van Afrika-varkpes en kan daarop reageer

Die Suid-Afrikaanse varkprodusente-organisasie, SAVPO, is in noue kontak met die departement van landbou, grondhervorming en landelike ontwikkeling rakende die uitbreking van Afrika-varkpes in landelike dorpies in die Oos-Kaap. Johann Kotzé, uitvoerende hoof van SAVPO, sê Suid-Afrika is egter in 'n gunstige posisie om onmiddelik op 'n gereedheidsgrondslag te wees wanneer dié siekte, wat geensins 'n gevaar vir mense inhou nie, uitbreek, omdat Afrika-varkpes endemies in die land is. Hy sê die bedryf verstaan die impak van dié siekte en is gewoond daaraan, anders as wat die reaksie in onder meer Eurpoese lande is, wanneer 'n uitbreking voorkom. OFM-nuus se Christal-Lize Muller het met hom gepraat...