#JouMenseMyMense

GROOTFM 90.5  |  Podcast , ±7 min episodes every 1 week, 1 day  | 
Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

Subscribe to this channel

You can subscribe to new audio episodes published on this channel. You can follow updates using the channel's RSS feed, or via other audio platforms you may already be using.

RSS Feed

You can use any RSS feed reader to follow updates, even your browser. We recommend using an application dedicated to listening podcasts for the best experience. iOS users can look at Overcast or Castro. Pocket Casts is also very popular and has both iOS and Android versions. Add the above link to the application to follow this podcast channel.

Apple Podcasts

This channel is available on iTunes. Follow the above link to subscribe to it in your iTunes application or the Apple Podcast application.

Signup to iono.fm

Sign up for a free iono.fm user account to start building your playlist of podcast channels. You'll be able to build a personalised RSS feed you can follow or listen with our web player.
27
MAY

#JouMenseMyMense – Louis se 1ste verjaarsdag, 27 Mei 2020

Oupa Stephan en Ouma Karien Greyvenstein van Witrivier in Mpumalanga se enigste kleinseun word vandag een jaar oud hier in Pretoria. Dis vir hulle baie sleg om as gevolg van die inperking nie hier te kan wees om die groot mylpaal te vier nie...

Verder is Lize ‘n onafhanklike reisagent en die laaste 3 maande sonder enige inkomste en haar man, Louis is ‘n MS leier wat fisies nie in staat is om te werk of ‘n inkomste te verdien nie. Hulle woon by Lize se skoonouers, Leoné en Louis. Stephan en Karien noem hulle “engele van Bo!”

In Oupa Stephan se briefie wat ons hier by GROOTfm ontvang het, skryf hy: “Hoe lekker sou dit wees om daar te kon wees? Net vir ‘n drukkie vir elkeen...”

Ons kon nie die drukkie of hier wees vir Stephan en Karien moontlik maak nie, maar die GROOTontbyt het ‘n kampstige telefoniese onderhoud met Lize gereël om te gesels oor toerisme en die aanpassings tydens lockdown. Terwyl sy niksvermoedend op die telefoonlyn en voor die TV skerm gewag het, het ons ‘n boodskap van haar ouers op die GROOTontbyt gespeel.

Intussen het ons span buite haar skoonouers se huis gewag met ‘n geskenkie vir klein Louis. “Enigiets Lion King of Wildtuin” het Oupa Stephan gesê. En toe Johrné vir Lize op die telefoon groet, het hy gesê sy moet gaan kyk wat wag by die voordeur... ‘n Sagte leeutjie en tier, ‘n legkaart met regte hare op die welpie se voorkop en ‘n paar balonne om te wys ons vier saam.

Baie dankie aan SPAR vir die geskenke asook die geskenkkaart vir Louis en Lize! Mag die Here ons leeutjie Louis seën en nog baie jare spaar met goeie gesondheid en baie geluk!
20
MAY

#JouMenseMyMense - 20 Mei 2020 – Eleos

In ‘n gemeenskap waar soveel mense in ‘n siklus van armoede, gesinsgeweld, mishandeling, alkohol- en dwelmverslawing, tiener swangerskappe en die gebrek aan basiese lewensvaardighede vasgevang is, kom genade-in-aksie…

Dit is wat ELEOS se naam beteken – ‘n liefdadigheidsorganisasie wat 20 jaar gelede gebore is met ‘n begeerte om ‘n tasbare verskil te maak in die lewens van minderbevoorregte kinders en hulle gesinne in Pretoria-Wes. Verhouding is die fondasie waarop elke volhoubare projek gebou word, hetsy die naskole-, Agape- en Giggles groepe, ouerleiding, kampe, berading en maatskaplike dienste. Hulle volg ‘n belangrike benadering van: help ‘n gemeenskap om homself te kan help, want dit gee vir mense selfwaarde wat nodig is om self op te staan, onafhanklik te funksioneer en homself uit armoede uit te werk!

Genade is soms ‘n broodjie of net ‘n oor wat hoor, ‘n beurs of ‘n kospakkie, ‘n drukkie of ‘n gebed en danksy ‘n Genadige God kon ‘n span toegewyde gemeenskapswerkers en vriendinne vinnig die nodige aanpassings maak om steeds genade, hoop, liefde en omgee op kreatiewe maniere tasbaar te maak in ‘n grendeltyd.
13
MAY

#JouMenseMyMense – 13 Mei 2020 – Die sinergie, saamspan en samewerking van kerke, besighede, NPO’s en skole

Oral oor ons stad is kerke, besighede, niewinsgewende organisasies en skole besig om as een groot gemeenskap kragte saam te span en sien ons prakties die beginsel van sinergie: waar die geheel en die totale impak groter is as die som van die aparte dele – van elkeen wat op sy eie ietsie probeer doen. Ons gesels met kerkleier, Willem Badenhorst en die voorsitter van die Pretoria-Wes Gemeenskapsforum, Johan Cloete oor die gedeelde las wat ligter is as die liggaam van Christus saam werk. Francois Schoombee van kerksondermure en die skoolhoof van Laerskool Saamspan, Marius van Niekerk vertel van die inisiatiewe in hulle gemeenskap en hoe kerke van verskillende denominasies, organisasies en gesinne wat self sente draai kragte saam span om seker te maak niemand ly honger nie.
29
APR

#JouMenseMyMense – Versorg die versorgers, 29 April 2020

GROOTfm 90.5 het ‘n hart vir ons stad en land, maar ons mandaat as ‘n radiostasie lyk bietjie anders as dié van ‘n welsyn- of maatskaplike organisasie. Ons hulpverlening kan ‘n bydrae maak, maar ons glo verhouding verander lewens. Die liefde en ondersteuning van ‘n omgee-gemeenskap waarvan jy deel is en waar jy kan behoort – die pad wat iemand elke dag saam met jou stap - is wat die ware langtermyn-impak in iemand se lewe maak.

Met Werkersdag in ons gedagte, sê ons saam met projekleiers van Helpende Hand, PEN, die Universiteit van Pretoria en SA Cares for Life “dankie” vir die werk van hierdie “stap-die-pad-werkers” en dienswerkers, ons vrywilligers en eintlik elkeen wat iewers in ‘n versorgingsrol dien.
22
APR

#JouMenseMyMense – SPAR en SA Cares for Life – 22 April 2020

Retha Ingenbleek van SPAR Northrand vertel ons van die SPAR Get Real COVID CHALLENGE wat die grillerige sluk-‘n-eier-uitdaging omskep in ‘n positiewe en steeds prettige uitdaging waar die eiers saam met ander niebederfbare produkte geskenk word aan behoeftige gesinne. SA Cares for Life is die begunstigde en Sanet Fagan het vir ons die proses verduidelik wat hulle in plek het om gesinne te identifiseer en die kos wat jy by jou naaste SPAR kan koop en skenk te versprei.
22
APR

#JouMenseMyMense – Melanie se ma, 22 April 2020

Ons deel die storie van die suster wat in die neonatale intensiewe eenheid van die hospitaal werk met die klein babatjies wat so vroeg gebore word en dan in die aande huis toe gaan om na haar eie ma om te sien wat al 10 jaar gelede met onder andere Alzheimers, Dementia en Lupus gediagnoseer is.

Ons essensiële werkers soos verpleegsters, susters, dokters – dien ons na die beste van hulle vermoë terwyl ons nooit eers sal weet wat hulle by die huis ook hanteer nie.
15
APR

#JouMenseMyMense – Bejaardes van Ons Tuis, 15 April 2020

Bejaardes en die versorgingsfasiliteite wat na hulle omsien, is veral kwesbaar tydens die COVID-19 uitbreking. Die Ons Tuis Groep met bejaardesorgfasiliteite in Pretoria, Parys en Mokopane het reeds verskeie maatreëls in plek gestel vir die bekamping van die virus, maar die Besturende Direkteur, Jaco Bothma, is uiters bekommerd oor die impak van die virus op hulle onderskeie tehuise se voorrade en finansies - besorg oor die moontlike gevolge, sou ‘n inwoner die koronavirus opdoen. Die Ons Tuis Tehuise het isolasie-afdelings geskep by hulle onderskeie fasiliteite, maar hierdie afdelings benodig dringend produkte vir die gepaardgaande behoeftes.

Selfs sonder die uitdagings van ‘n wêreldwye pandemie, is daar is maar altyd ‘n behoefte aan items soos seep en skoonmaak- en reinigingsmiddels, om die tehuise effektief te bestuur. Hiervoor pak hulle gereeld verskillende fondsinsamelingsaksies aan, maar dis onmoontlik om voort te gaan tydens die grendeltyd.

Ons het met die kommunikasiebeampte van die Ons Tuis Groep, Juanita du Preez, gesels om ons meer te vertel van hulle behoeftes by die tehuise in Pretoria en hoe die bejaardes die afsondering beleef.

131 episodes

« Back 1—12 More »