Woord vir Vandag - 13 Jan 2025
Loading player...
“…sy Goddelike krag [het] ons alles laat kry wat ons nodig het…” 2 Petrus 1:3 NLV
Vasbeslote om sterk te eindig
Om God te volg beteken dat jy dit waarvoor Hy jou geroep het om te doen, klaarmaak. Nie almal wat begin, eindig sterk nie. Ons is soms geskok en hartseer om te verneem dat ‘n leier voor ‘n morele of ‘n finansiële probleem geswig het. Paulus skryf: ‘Lukas, ons geliefde dokter, stuur vir julle groete, en ook Demas’ (Kolossense 4:14 NLV). Later skryf hy: ‘Demas het my verlaat omdat hy verlief geraak het op die dinge van hierdie lewe…’ (2 Timoteus 4:10 NLV). Daar is drie magte wat teen jou saamspan en nooit opgee nie: die wêreld, die vlees, en die duiwel. Die wêreld sal probeer om jou volgens sy voorbeeld te vorm, jou vleeslike aard sal probeer om jou af te trek en die duiwel sal elke truuk in die boek gebruik om jou te probeer verslaan. Paulus was bewus van hierdie drie kragte toe hy gesê het: ‘Al is my lewe kosbaar, ag ek dit van geen waarde as ek nie my lewenstaak en my bediening wat ek van die Here Jesus gekry het, kan klaarmaak nie…’ (Handelinge 20:24 NLV). Neem dus ‘n wilsbesluit om die taak wat God jou gegee het klaar te maak en elke oomblik daarvan te geniet. ‘Deurdat ons Hom regtig ken, het sy Goddelike krag ons alles laat kry wat ons nodig het om naby aan Hom te lewe. Hy het ons geroep om sy heerlikheid en goedheid te ontvang!.. Die gevolg hiervan is dat julle deel gekry het aan sy Goddelike natuur. Só het julle vrygekom van die proses van agteruitgang wat, as gevolg van die geneigdheid van ons menslike natuur, oral alles en almal laat sleg word. Juis om hierdie rede moet julle alles in julle vermoë doen om te wys dat hierdie beloftes vir julle waar geword het…’ (2 Petrus 1:3-5 NLV).
Vasbeslote om sterk te eindig
Om God te volg beteken dat jy dit waarvoor Hy jou geroep het om te doen, klaarmaak. Nie almal wat begin, eindig sterk nie. Ons is soms geskok en hartseer om te verneem dat ‘n leier voor ‘n morele of ‘n finansiële probleem geswig het. Paulus skryf: ‘Lukas, ons geliefde dokter, stuur vir julle groete, en ook Demas’ (Kolossense 4:14 NLV). Later skryf hy: ‘Demas het my verlaat omdat hy verlief geraak het op die dinge van hierdie lewe…’ (2 Timoteus 4:10 NLV). Daar is drie magte wat teen jou saamspan en nooit opgee nie: die wêreld, die vlees, en die duiwel. Die wêreld sal probeer om jou volgens sy voorbeeld te vorm, jou vleeslike aard sal probeer om jou af te trek en die duiwel sal elke truuk in die boek gebruik om jou te probeer verslaan. Paulus was bewus van hierdie drie kragte toe hy gesê het: ‘Al is my lewe kosbaar, ag ek dit van geen waarde as ek nie my lewenstaak en my bediening wat ek van die Here Jesus gekry het, kan klaarmaak nie…’ (Handelinge 20:24 NLV). Neem dus ‘n wilsbesluit om die taak wat God jou gegee het klaar te maak en elke oomblik daarvan te geniet. ‘Deurdat ons Hom regtig ken, het sy Goddelike krag ons alles laat kry wat ons nodig het om naby aan Hom te lewe. Hy het ons geroep om sy heerlikheid en goedheid te ontvang!.. Die gevolg hiervan is dat julle deel gekry het aan sy Goddelike natuur. Só het julle vrygekom van die proses van agteruitgang wat, as gevolg van die geneigdheid van ons menslike natuur, oral alles en almal laat sleg word. Juis om hierdie rede moet julle alles in julle vermoë doen om te wys dat hierdie beloftes vir julle waar geword het…’ (2 Petrus 1:3-5 NLV).
