Woord vir Vandag - 22 Sep 2025
Loading player...
“Soos ‘n arend haar kuikens grootmaak en bo-oor hulle sweef…” Deuteronomium 32:11 NLV
God druk jou uit jou gemaksone
In sy boek, Even Eagles Need a Push, beskryf David McNally ‘n arend wat haar kuikens leer om te vlieg: ‘Die arend het haar kuikens saggies na die rand van die nes gelok. Haar hart het van teenstrydige emosies gebewe toe sy hul weerstand teen haar aanhoudende druk voel. ‘Hoekom moet die opwinding van vlieg met die vrees om te val begin?’ Sy kon nog nie ‘n antwoord vir hierdie tydlose vraag vind nie. Haar nes was hoog op ‘n rotswand geleë. Daar was slegs lug onder die rotswand om die vlerke van elke kuiken te ondersteun. ‘Is dit moontlik dat dit hierdie keer nie gaan werk nie?’ dink sy. Ten spyte van haar vrese, het die arend geweet dat dit tyd is. Haar ouerlike plig was amper voltooi. Daar het nog een laaste taak oorgebly. Totdat haar kuikens hul vlerke ontdek, was daar geen doel vir hul lewe nie. Totdat hulle leer hoe om te sweef, sou hulle nie die voorreg verstaan om as ‘n arend gebore te word nie. Om hulle uit die nes uit te druk was die grootste geskenk wat sy hulle kon bied – haar grootste liefdesdaad. So het sy hulle een vir een uit die nes gedruk en hulle het gevlieg!’ Die Bybel sê: ‘Soos ‘n arend haar kuikens grootmaak en bo-oor hulle sweef, so sprei Hy sy vlerke en vang en dra hulle op sy vlerke. Net die Here bewaar hulle…’ (verse 11-12 NLV). Druk God jou uit jou gemaksone uit? Het jy jou werk en finansiële sekuriteit verloor? Of ‘n verhouding wat jy gedink het ‘n leeftyd sou duur? Voel dit of jy uit jou nes en oor die krans se rand gedruk word? Moenie bang wees nie; God sal jou vang. Nog beter – Hy sal jou leer om te vlieg.
God druk jou uit jou gemaksone
In sy boek, Even Eagles Need a Push, beskryf David McNally ‘n arend wat haar kuikens leer om te vlieg: ‘Die arend het haar kuikens saggies na die rand van die nes gelok. Haar hart het van teenstrydige emosies gebewe toe sy hul weerstand teen haar aanhoudende druk voel. ‘Hoekom moet die opwinding van vlieg met die vrees om te val begin?’ Sy kon nog nie ‘n antwoord vir hierdie tydlose vraag vind nie. Haar nes was hoog op ‘n rotswand geleë. Daar was slegs lug onder die rotswand om die vlerke van elke kuiken te ondersteun. ‘Is dit moontlik dat dit hierdie keer nie gaan werk nie?’ dink sy. Ten spyte van haar vrese, het die arend geweet dat dit tyd is. Haar ouerlike plig was amper voltooi. Daar het nog een laaste taak oorgebly. Totdat haar kuikens hul vlerke ontdek, was daar geen doel vir hul lewe nie. Totdat hulle leer hoe om te sweef, sou hulle nie die voorreg verstaan om as ‘n arend gebore te word nie. Om hulle uit die nes uit te druk was die grootste geskenk wat sy hulle kon bied – haar grootste liefdesdaad. So het sy hulle een vir een uit die nes gedruk en hulle het gevlieg!’ Die Bybel sê: ‘Soos ‘n arend haar kuikens grootmaak en bo-oor hulle sweef, so sprei Hy sy vlerke en vang en dra hulle op sy vlerke. Net die Here bewaar hulle…’ (verse 11-12 NLV). Druk God jou uit jou gemaksone uit? Het jy jou werk en finansiële sekuriteit verloor? Of ‘n verhouding wat jy gedink het ‘n leeftyd sou duur? Voel dit of jy uit jou nes en oor die krans se rand gedruk word? Moenie bang wees nie; God sal jou vang. Nog beter – Hy sal jou leer om te vlieg.
