Woord vir Vandag - 22 Okt 2025
Loading player...
“Dit verklaar waarom ‘n man van sy pa en ma weggaan, saam met sy vrou lewe en hulle dan soos een mens word.” Genesis 2:24 NLV
Raad vir die skoonfamilie
Eight Ways In-laws Can Break Up a Marriage bied voorbeelde wat elke skoonfamilie moet laat stilstaan en dink: ‘1) Wanneer jou kind besluit om te trou, wees vyandig teenoor die persoon wat hulle gekies het. Dit beteken immers dat jou kind minder lief is vir jou en dus het jy die reg om ‘n wrok te koester. 2) Verwag dat hulle naweke en vakansies saam met jou moet deurbring en laat weet hulle dat jou gevoelens seergemaak is indien hulle dit nie doen nie. 3) Wanneer hulle probleme met hul maat ondervind, moedig hulle aan om terug huis toe te kom. Wanneer hulle dit doen, luister na hulle klagtes en wys enige ander tekortkominge wat hulle dalk vergeet het, ook uit. Onthou, druppel na druppel kan die rots laat wegslyt. 4) As hulle finansiële probleme het, red hulle daaruit. Bedel, leen of steel om hulle te help, maar laat weet hulle dat jy nooit sal toelaat dat hulle met minder moet klaarkom nie. 5) As hulle ‘n drank- of dwelmprobleem het, sê vir hulle dat hul maat hulle daartoe gedryf het. Almal het immers iemand nodig om te blameer. 6) As hulle die geleentheid kry om vir ‘n bevordering by die werk na ‘n ander dorp te trek, herinner hulle daaraan dat ‘familie’ belangriker as geld is en dat God hulle sal straf omdat hulle nie hulle ouers eer nie. 7) As daar kleinkinders betrokke is, bederf hulle. Wanneer die ouers beswaar maak, sê vir hulle om hulle neuse uit jou sake te hou, dis waarvoor kleinkinders daar is. 8) Wanneer jou kind ‘n argument met hul maat het, blaas die vlamme aan. Lojaliteit teenoor ‘n mens se gesin is ‘n wonderlike ding; met ‘n bietjie werk kan jy ‘n klein argument in ‘n grote verander en so ‘n huwelik opbreek.’
Raad vir die skoonfamilie
Eight Ways In-laws Can Break Up a Marriage bied voorbeelde wat elke skoonfamilie moet laat stilstaan en dink: ‘1) Wanneer jou kind besluit om te trou, wees vyandig teenoor die persoon wat hulle gekies het. Dit beteken immers dat jou kind minder lief is vir jou en dus het jy die reg om ‘n wrok te koester. 2) Verwag dat hulle naweke en vakansies saam met jou moet deurbring en laat weet hulle dat jou gevoelens seergemaak is indien hulle dit nie doen nie. 3) Wanneer hulle probleme met hul maat ondervind, moedig hulle aan om terug huis toe te kom. Wanneer hulle dit doen, luister na hulle klagtes en wys enige ander tekortkominge wat hulle dalk vergeet het, ook uit. Onthou, druppel na druppel kan die rots laat wegslyt. 4) As hulle finansiële probleme het, red hulle daaruit. Bedel, leen of steel om hulle te help, maar laat weet hulle dat jy nooit sal toelaat dat hulle met minder moet klaarkom nie. 5) As hulle ‘n drank- of dwelmprobleem het, sê vir hulle dat hul maat hulle daartoe gedryf het. Almal het immers iemand nodig om te blameer. 6) As hulle die geleentheid kry om vir ‘n bevordering by die werk na ‘n ander dorp te trek, herinner hulle daaraan dat ‘familie’ belangriker as geld is en dat God hulle sal straf omdat hulle nie hulle ouers eer nie. 7) As daar kleinkinders betrokke is, bederf hulle. Wanneer die ouers beswaar maak, sê vir hulle om hulle neuse uit jou sake te hou, dis waarvoor kleinkinders daar is. 8) Wanneer jou kind ‘n argument met hul maat het, blaas die vlamme aan. Lojaliteit teenoor ‘n mens se gesin is ‘n wonderlike ding; met ‘n bietjie werk kan jy ‘n klein argument in ‘n grote verander en so ‘n huwelik opbreek.’
