Woord vir Vandag - 23 Nov 2025
Loading player...
“Die Here kyk oor die hele aarde om hulle te help wat met hulle hele hart op Hom vertrou…” 2 Kronieke 16:9 NLV
God wil deur jou werk (3)
God is nie huiwerig of onverskillig om sy krag te wys nie. Nee, Hy soek ‘oor die hele aarde’ na mense wat toegewyd aan Hom is, sodat Hy sy krag deur hulle lewens kan openbaar! Hier is drie dinge wat jy oor God moet weet: 1) Hy is altyd op bonatuurlike maniere in ons wêreld aan die werk en Hy het baie wat Hy wil bereik. 2) Hy is aktief op die uitkyk vir toegewyde vennote – mense wat omgee waaroor Hy omgee. 3) Hy spoor mense voortdurend aan om te reageer, maar die meeste mense loop dit mis of sê nee. Vraag: Hoe sal jou lewe lyk as jy begin ja sê? ‘n Dominee skryf: ‘’n Lewe wat deur die wonderbaarlike gekenmerk word, is nie net moontlik of begeerlik nie, maar die middelpunt van God se wil vir elkeen van ons. Wanneer ons met minder tevrede is, verloor ons lewens vreugde, vervulling en doelgerigtheid. Die persoonlike behoeftes van mense wat ons ontmoet, word oor die hoof gesien. Behoeftes in ons gemeenskappe en regoor die wêreld bly onvervuld. Wanneer ‘n hele generasie met minder tevrede is, word die karakter en beweegrede van God in twyfel getrek. Dit lyk asof sy blink teenwoordigheid in die wêreld vervaag.’ Jy kan egter iets daaraan doen. Jy is gebore om God se ambassadeur te wees; om Hom elke dag sigbaar te maak (sien 2 Korintiërs 5:20). God wil graag sy krag in jou, vir jou en deur jou bewys, want elke persoon wat jy teëkom het ‘n behoefte wat slegs God kan vervul.
God wil deur jou werk (3)
God is nie huiwerig of onverskillig om sy krag te wys nie. Nee, Hy soek ‘oor die hele aarde’ na mense wat toegewyd aan Hom is, sodat Hy sy krag deur hulle lewens kan openbaar! Hier is drie dinge wat jy oor God moet weet: 1) Hy is altyd op bonatuurlike maniere in ons wêreld aan die werk en Hy het baie wat Hy wil bereik. 2) Hy is aktief op die uitkyk vir toegewyde vennote – mense wat omgee waaroor Hy omgee. 3) Hy spoor mense voortdurend aan om te reageer, maar die meeste mense loop dit mis of sê nee. Vraag: Hoe sal jou lewe lyk as jy begin ja sê? ‘n Dominee skryf: ‘’n Lewe wat deur die wonderbaarlike gekenmerk word, is nie net moontlik of begeerlik nie, maar die middelpunt van God se wil vir elkeen van ons. Wanneer ons met minder tevrede is, verloor ons lewens vreugde, vervulling en doelgerigtheid. Die persoonlike behoeftes van mense wat ons ontmoet, word oor die hoof gesien. Behoeftes in ons gemeenskappe en regoor die wêreld bly onvervuld. Wanneer ‘n hele generasie met minder tevrede is, word die karakter en beweegrede van God in twyfel getrek. Dit lyk asof sy blink teenwoordigheid in die wêreld vervaag.’ Jy kan egter iets daaraan doen. Jy is gebore om God se ambassadeur te wees; om Hom elke dag sigbaar te maak (sien 2 Korintiërs 5:20). God wil graag sy krag in jou, vir jou en deur jou bewys, want elke persoon wat jy teëkom het ‘n behoefte wat slegs God kan vervul.
