Woord vir Vandag - 21 Des 2025
Loading player...
“…jy het egter die goeie wyn tot nou toe teruggehou.” Johannes 2:10 NLV
God kan sy plan vir jou lewe versnel
Jesus se eerste wonderwerk was om by ‘n bruilof water in wyn te verander. Daar was ses klipkanne wat elkeen ongeveer 100 liter kon hou. ‘Jesus sê toe vir die kelners: ‘Maak die kanne vol water!’… Toe sê Jesus ook nog vir hulle: ‘Skep nou daarvan uit en vat dit vir die seremoniemeester.’ Hulle het dit gedoen… Die seremoniemeester sê toe vir die bruidegom: ‘Elke gasheer sit volgens gebruik eers die goeie wyn voor, en wanneer die gaste nie meer so goed kan onderskei nie, die swakker gehalte; jy het egter die goeie wyn tot nou toe teruggehou’’ (verse 7-10 NLV). Weet jy hoe lank neem dit om wyn te maak? Eers word steggies geplant en dan neem dit verskeie jare vir die wingerdstokke om geskikte druiwe voort te bring. Die druiwe word dan gepluk en geprosesseer om die wyn te maak. Dit neem dikwels drie tot vyf jaar voor die eerste wyn gereed is om gebottel te word. Wyn van ‘n beter kwaliteit neem vyf tot sewe jaar om gemaak te word. Mense beskou wyn wat twintig tot dertig jaar oud is, as die beste wyn. Jesus het in ‘n oomblik dit wat normaalweg dekades neem om te produseer, gemaak. Indien jy dus besorg is dat jy nie genoeg tyd het om jou doelwitte te bereik nie, onthou dat Jesus dit wat gewoonlik jare neem, in ‘n oomblik kan doen. Miskien sal dit jou tipies twintig jaar neem om jou verband af te betaal, of tien jaar om jou besigheid op te bou. God se guns kan die tydlyn egter met jare verminder. Hy verander steeds water in wyn. Skep moed, die God wat ons dien weet hoe om natuurlike wette te versnel. Hy kan jou verder en vinniger laat beweeg as wat jy jou ooit kon indink.
God kan sy plan vir jou lewe versnel
Jesus se eerste wonderwerk was om by ‘n bruilof water in wyn te verander. Daar was ses klipkanne wat elkeen ongeveer 100 liter kon hou. ‘Jesus sê toe vir die kelners: ‘Maak die kanne vol water!’… Toe sê Jesus ook nog vir hulle: ‘Skep nou daarvan uit en vat dit vir die seremoniemeester.’ Hulle het dit gedoen… Die seremoniemeester sê toe vir die bruidegom: ‘Elke gasheer sit volgens gebruik eers die goeie wyn voor, en wanneer die gaste nie meer so goed kan onderskei nie, die swakker gehalte; jy het egter die goeie wyn tot nou toe teruggehou’’ (verse 7-10 NLV). Weet jy hoe lank neem dit om wyn te maak? Eers word steggies geplant en dan neem dit verskeie jare vir die wingerdstokke om geskikte druiwe voort te bring. Die druiwe word dan gepluk en geprosesseer om die wyn te maak. Dit neem dikwels drie tot vyf jaar voor die eerste wyn gereed is om gebottel te word. Wyn van ‘n beter kwaliteit neem vyf tot sewe jaar om gemaak te word. Mense beskou wyn wat twintig tot dertig jaar oud is, as die beste wyn. Jesus het in ‘n oomblik dit wat normaalweg dekades neem om te produseer, gemaak. Indien jy dus besorg is dat jy nie genoeg tyd het om jou doelwitte te bereik nie, onthou dat Jesus dit wat gewoonlik jare neem, in ‘n oomblik kan doen. Miskien sal dit jou tipies twintig jaar neem om jou verband af te betaal, of tien jaar om jou besigheid op te bou. God se guns kan die tydlyn egter met jare verminder. Hy verander steeds water in wyn. Skep moed, die God wat ons dien weet hoe om natuurlike wette te versnel. Hy kan jou verder en vinniger laat beweeg as wat jy jou ooit kon indink.
