Kosmos 94.1 Nuus

Swapo sit nie op VN-veteraangeld, sê Shaningwa

Loading player...
Swapo se sekretaris-generaal, Sophia Shaningwa, het bewerings ontken dat die party oorlogsveteraanbefondsing wat glo van die Verenigde Nasies ontvang is, terughou. Sy sê Swapo se finansiële rekords toon geen sodanige fondse nie. Shaningwa het die kwessie Saterdag tydens ’n vergadering met oorlogsveterane bespreek, wat sedert verlede jaar by die party se nasionale hoofkwartier kamp. Die VN se Hoë Kommissaris vir Vlugtelinge se verteenwoordiger, Kavita Belani, het voormalige Namibiese vlugtelinge wat in 1989 gerepatrieer is, meegedeel dat alle fondse wat vir hul bystand bestem was, uitgeput is. Intussen het die VN se inwonende koördineerder in Namibië, Hopolang Phororo, gesê dat alle skenkerfondse wat vir ballingskap- en vlugtelingerepatriasie voor onafhanklikheid gebruik is, volledig verreken is.
18 Jan 12AM Afrikaans South Africa News

Other recent episodes

Dodetal in Philippi-skietery styg tot agt

Die dodetal ná Saterdag se massaskietery in die Marikana-informele nedersetting in Philippi-Oos het tot agt gestyg, met ’n vrou onder die slagoffers en twee ander in ’n kritieke toestand. Die Wes-Kaapse polisiekommissaris, Thembisile Patekile, sê die aanval het kort ná middernag by ’n sjebeen in Proteaweg plaasgevind en word vermoedelik…
18 Jan 2AM 1 min

Vloedskade in Mpumalanga meer as R2 miljard

Mpumalanga-premier Mandla Ndlovu sê voorlopige assesserings toon dat vloedverwante infrastruktuurskade in die provinsie sowat 2,1 miljard rand kan beloop. Swaar reënval het reeds 20 lewens geëis en meer as 1 200 huishoudings geraak. Die meeste primêre damme en riviere is op volle kapasiteit, wat voortgesette vloedrisiko’s inhou. Minstens vyf brûe…
18 Jan 1AM 1 min

Ramaphosa pleit vir eenheid in Nasionale Dialoog

President Cyril Ramaphosa het aan die pas aangestelde lede van die Nasionale Dialoog-bestuurskomitee gesê hulle speel 'n sentrale rol in een van Suid-Afrika se belangrikste demokratiese inisiatiewe. Ramaphosa het virtueel deelgeneem aan die komitee se inlywing en gesê die dialoog vind plaas te midde van reuse-uitdagings soos armoede, werkloosheid, misdaad,…
17 Jan 11PM 1 min

Stygende bedryfskoste striem sake in Namibië

Soos Namibië 2026 binnegaan, navigeer werkgewers 'n uitdagende sakeklimaat wat gekenmerk word deur stadige ekonomiese groei, volgehoue hoë werkloosheid, stygende bedryfskoste en voortdurende onsekerheid rondom belegging en vraag. Die president van die Namibiese Werkgewersfederasie, Elia Shikongo, het aan Kosmos 94.1 Nuus gesê dat hierdie druk sake-uitbreiding beperk en werkskepping bedreig.
17 Jan 6AM 1 min

Noodeenheid na vloedramp in Limpopo, Mpumalanga ontplooi

Die minister van menslike nedersettings, Thembi Simelane, het die departement se noodbehuisingseenheid ontplooi na vloedgeteisterde gebiede in Limpopo en Mpumalanga. Die behuisingsingryping in Limpopo word gelei deur spanne wat die skade nagaan aan meer as 'n duisend huishoudings wat geraak is. In Mpumalanga kan sommige gesinne hervestig word of van…
17 Jan 4AM 1 min
All episodes