Ry versigtig, die reën beskadig die reeds ou paaie

Die Paaie-owerheid het motoriste versoek om uiters versigtig te wees op die land se paaie, aangesien wydverspreide reënval, veral in die Kavango-Wes, Kavango-Oos en Zambezi-streke, tot verslegtende padtoestande gelei het. Die owerheid sê dat baie van hierdie paaie meer as 40 jaar oud is en dus meer kwesbaar is vir skade tydens langdurige reënval, maar het verseker dat geraakte gedeeltes herstel sal word in ooreenstemming met sy instandhoudings- en rehabilitasieprogramme sodra die weerstoestande dit toelaat. Kosmos 94.1 Nuus het met Hileni Fillemon, die owerheid se kommunikasie beampte gesels.