Kosmos 94.1 Nuus

Vaaldam se water veilig om te drink, sê Rand Water

Loading player...
Rand Water het kennis geneem van ’n WhatsApp-boodskap wat sosiale media laat gons waarin beweer word dat die Vaaldam vergiftig is en kraanwater nie gedrink moet word sonder om dit eers te kook nie. Woordvoerder Makenosi Maroon sê Rand Water verwerp hierdie bewerings kategories as vals en misleidend. Sy verduidelik dat Rand Water rouwater uit die Vaaldam onttrek, wat ’n deeglike behandelingsproses ondergaan voordat dit aan verbruikers gelewer word. Die water word deeglik getoets om te voldoen aan gesondheids- en veiligheidsnorme, en daar is geen risiko vir die publiek se gesondheid nie, sê Maroon.
25 Jan 1AM Afrikaans South Africa News

Other recent episodes

Dis markdag by Auas Hills Aftreeoord!

Die Auas Hills Aftreeoord hou Saterdag hul jaarlikse markdag. Die aftreeoord bied ook versoringsdienste vir verswakte bejaardes. Rita van Vuuren van die beplanningskomitee nooi die publiek uit om die markdag by te woon wat ook versorging van pasiënte sal ondersteun. Van Vuuren het met Kosmos 94.1 Nuus gepraat.
6 Mar 9AM 1 min

IPC het vrae oor Vitol se omkopery, moontlike brandstof-oorheersing

Die parlement ondersoek wat hy beskryf as die groeiende oorheersing van die Nederlandse oliereus Vitol Group in Namibië se stroomaf brandstofmark. IPC-parlementslid Rodney Cloete het kommer uitgespreek dat die maatskappy, deur middel van filiale en gesamentlike ondernemings tussen 75 en 95 persent van die land se brandstofvoorraad kan beheer. Cloete…
6 Mar 8AM 1 min

Regering gaan aan asof geen wêreldkrisis: LPM

Reaksie word ontvang op Onafhanklikheidsdag op 21 Maart wat vanjaar amptelik in al 14 streke gevier sal word, en altesaam 3,5 miljoen Namibiese dollar gaan kos. Met gebeure in die Midde-Ooste wat die wêreldekonomie op die agtervoet het, voel opposisie-partye dat die land se prioriteite nie reg is nie. LPM-woordvoerder…
6 Mar 8AM 1 min

Walvisbaai-hawe verwag meer skepe oor Midde-Ooste konflik

Iran het die Straat van Hormuz gesluit vir skeepvaart, en volgens berigte begin skepe ook die Suez-kanaal en Rooisee vermy weens die oorlog in die Midde-Ooste. Verskepingsmaatskappye het reeds begin om hul skepe vanaf die Ooste na Europa en Suid-Amerika om die Kaap die Goeie Hoop te herlei. Dit beteken…
6 Mar 8AM 1 min

TLU SA bekommerd oor tempo, rigting van BKS-optrede

Die landbou-organisasie TLU SA is bekommerd oor die huidige tempo en rigting waarin die regering die bek-en-klouseer-uitbreking bestuur. Die organisasie is deel van die Bek-en-Klouseer-bedryfskoördineringsraad wat die landbouminister, John Steenhuisen, gestig het vir 'n gekoördineerde poging ter ondersteuning van die gefaseerde instel van die strategie. Woordvoerder Caria van der Merwe…
6 Mar 7AM 1 min
All episodes