Steenkamp warm onder die kraag na rassistiese opmerkings deur Nudo

Die parlement het Woensdag vroeg verdaag te midde van chaos, na opmerkings oor nasionaliteit en identiteit gerig aan adjunk-onderwysminister Dino Ballotti deur Nudo-parlementslid Vetaruhe Kandorozu. Dit het gebeur toe die IPC se Imms Nashinge, leier van die amptelike opposisie in die parlement, sy bydrae tot die verkrygingswetsontwerp gelewer het. Balotti was besig om die kamer te verlaat toe Kandorozu vir hom gesê het om terug te gaan na Italië en dat Namibiërs nie so lyk nie. 'n Bohaai het losgebars, waarna 'n hoogs ontstoke onderwysminister Sanet Steenkamp Kandorozu aangespreek het.