Kosmos 94.1 Nuus

Withuis sê Libanon was nie deel van skietstilstand nie

Loading player...
Die brose skietstilstand tussen Amerika en Iran blyk om te wankel, nadat Iran Woensdagaand die Straat van Hormuz weer gesluit het. Dit was in reaksie op 'n massiewe Israelse aanval op Libanon, waarin minstens 254 mense dood en 837 gewond is. Israel het meer as 'n honderd van wat dit Hizbollah-bevelsentrums en militêre terreine genoem het in 10 minute getref. Iranse amptenare het gewaarsku dat Teheran kan onttrek aan die voorlopige skietstilstand, as Israel nie sy aanvalle staak nie. Withuis perssekretaris Karoline Leavitt is op 'n perskonferensie gevra hoe die Trump-administrasie die situasie beskou.
8 Apr 11PM Afrikaans South Africa News

Other recent episodes

Erongo-goewerneur soek padveiligheid-noodberaad

Die goewerneur van Erongo, Natalia/Goagoses, het 'n hoëvlak-noodberaad oor padveiligheid versoek na 'n noodlottige ongeluk wat Woensdagaand agt lewens geëis het. Sy het gelas dat 'n gesamentlike belanghebbervergadering binne twee weke byeengeroep word, wat belangrike padveiligheidsbelanghebbendes bymekaarbring, insluitend die vervoerministerie, die Padowerheid, die Motorvoertuigongelukkefonds, wetstoepassing en ambulansdienste.
30 Apr 11AM 1 min

Jodehaat ingevoer deur immigrasie: Britse politikus

Die Britse skaduminister van Binnelandse Sake, Chris Philp, vra groter gebruik van teen-terreur-moniteringstegnieke om anti-semitiese misdaad te identifiseer en te voorkom. Dit volg nadat twee Joodse mans gister in Golders Green, Noord-Londen, gesteek is in wat die polisie as 'n terroriste-voorval beskryf het. 'n Vyf-en-veertigjarige Britse burger wat in Somalië…
30 Apr 11AM 1 min

InfoMSME-hub staan klein besighede met raad en daad by

Die Konrad Adenauer-stigting het in samewerking met die Beleggingsbevordering en -ontwikkelingsraad amptelik die InfoMSME-hub bekendgestel. Die aanlyn-platform is geskep om mikro, klein en medium ondernemings en nuwe besighede te help om die ondersteuning wat hulle benodig makliker te vind. Gebruikers kan sakeondersteuningsdienste verken, geleenthede ontdek, toegang tot nuttige hulpbronne kry…
30 Apr 10AM 1 min

Land is finansieel stabiel, gou van gryslys af: BoN

Die Bank van Namibië het vandag in die hoofstad saam met Namfisa, Namibië se finansiële stabiliteitsverslag vrygestel. Volgens die twee finansiële instansies is daar geen risiko’s vir die land nie. Anna William, adjunkdirekteur van finansiële stabiliteit en makroprudensiële toesig by die sentrale bank, gee meer inligting.
30 Apr 10AM 1 min
All episodes