Kosmos 94.1 Nuus

Namibië, SA sluit sewe ooreenkomste

Loading player...
President Cyril Ramaphosa sê Suid-Afrika en Namibië moet hul samewerking versterk om ekonomiese groei en gedeelde ontwikkeling te bevorder. Hy en die Namibiese president, Netumbo Nandi-Ndaitwah, was medevoorsitters van die vierde bi-nasionale kommissie in Pretoria. Suid-Afrika en Namibië het hul bilaterale betrekkinge versterk deur sewe ooreenkomste te onderteken, wat indiensneming en arbeid, kapasiteitsbou in openbare administrasie, bilaterale lugdienste, regsamewerking, korrektiewe dienste, geslagsgelykheid en die bemagtiging van vroue dek, asook 'n ekonomiese vennootskap tussen die Namibiese Kamer van Handel en Nywerheid en die Suid-Afrikaanse Kamer van Handel en Nywerheid.
18 Jul 1AM Afrikaans South Africa News

Other recent episodes

Sanitasie onder die loep op Swakopmund

Namibië bied die 19de Afrika Openbare Diens-dag Tegniese Simposium tot 23 Julie in Swakopmund aan, met streeksuitstallings en besprekings met belanghebbendes. Die fokus is op water en sanitasie. Wayambekange Hamufenhu, senior ontwikkelingsbeplanner in die departement van landelike watervoorsiening en sanitasie in die landbouministerie, het van die uitdagings uiteengesit.
22 Jul 2AM 1 min

Gekloonde, vervalste nommerplate wek kommer in SA

AfriForum sê die regering moet dringend misdaad in die nommerplaatbedryf vasvat om die verspreiding van nagemaakte en gekloonde nommerplate te stop. Die organisasie sê swak wetstoepassing het dit makliker gemaak vir misdadigers om te oortree en opsporing te vermy. Louis Boshoff van AfriForum het die besluit verwelkom om die uitrol…
22 Jul 2AM 1 min

Owerhede vind 36 kinders in minibustaxi

Die LUR van Vervoer en Menslike Nedersettings in KwaZulu-Natal, Siboniso Duma sê padveiligheidsoptrede sal verskerp word. Dit volg nadat 'n oorlaaide minibustaxi met 36 leerders op die eerste dag van die nuwe skoolkwartaal naby Park Rynie gevind is. Woordvoerder Ndabezinhle Sibiya sê die taxi is gekonfiskeer en die bestuurder, wat…
22 Jul 1AM 1 min

Iran-oorlog is duur, Hegseth vra vir nog geld

Amerika se minister van Verdediging, Pete Hegseth, sê Amerika en Israel se oorlog teen Iran kos tot dusver sowat 615 miljard Namibiese dollar. Dit sluit uitgawes in soos etes vir soldate, en is meer as die vorige raming van byna 476,98 miljard dollar in middel-Mei. Minstens 17 soldate is sedert…
22 Jul 1AM 1 min

Blommeprag in die Suide

Die Suide beleef tans 'n skouspelagtige veldblommeseisoen, met Aus en omliggende gebiede wat deur kleurvolle blomme omskep word. Kosmos 94.1 Nuus het met Piet Swiegers van Klein-Aus Vista gepraat, wat sê dat etlike hektaar grond bedek is met heldergeel en pers blomme. Hy nooi reisigers uit om 'n draai te…
22 Jul 1AM 1 min
All episodes