Kosmos 94.1 Nuus

HAN sluit aan by moontlike konferensie-sentrum

Loading player...
Die Gasvryheidsvereniging van Namibië sê die idee om 'n groot konvensiesentrum in die land te vestig, is die moeite werd om te heroorweeg, ondanks kommer dat Namibië se mark vir vergaderings, aansporingsgeleenthede, konferensies en uitstallings relatief klein bly. Gitta Paetzold van die vereniging sê 'n lewensvatbaarheidstudie in 2016 het bevind dat die land nog nie die ekonomiese skaal het om 'n groot permanente fasiliteit te onderhou nie, met tydelike strukture wat as meer prakties beskou word vir groot eenmalige geleenthede. Sy sê egter vir Kosmos 94.1 Nuus dat veranderende ekonomiese geleenthede, veral in toerisme en die opkomende olie- en gassektor, die saak vir sulke infrastruktuur kan versterk.
31 Aug 12AM Afrikaans South Africa News

Other recent episodes

Media 'moet verskillende menings weergee'

Die kommissaris van die Madlanga-kommissie, Sesi Baloyi, sê die media het enorme magte en verantwoordelikhede, maar dit moet regverdig, onafhanklik en in openbare belang toegepas word. Die vooraanstaande regsgeleerde het die hooftoespraak gelewer op die redakteursforum Sanef se fondsinsamelings-dinee in Houghton, Johannesburg, met die tema "Demokrasie se volgende hoofstuk word…
23 Oct 11AM 1 min

Theofelus verdedig hersiene begroting

Inligtingminister Emma Theofelus verdedig die hersiene begroting en sê dit neem ekonomiese druk soos inflasie, bek-en-klouseer en El Niño in ag. Sy het in die Nasionale Vergadering verwys na ’n begrotingstekort van 5,9 persent vir 2025/26 en ’n skuld-tot-BBP-verhouding van 65,4 persent. Sy sê die aangepaste besteding probeer dringende maatskaplike…
23 Oct 11AM 1 min

Rooi ligte oor regeringsinkomste, nes in 2015/'16: kenner

Regeringsinkomste is onder druk, onder andere weens ’n afname in die wêreldwye vraag na diamante, met inkomste wat volgens die middeltermyn-begrotingsoorsig met 1,5 miljard Namibiese dollar gedaal het. Ontleder Romé Mostert van Cirrus sê belastinginvorderings het tot vlakke soortgelyk aan dié tydens die Covid-19-pandemie teruggesak. Hy wys ook op ’n…
23 Oct 10AM 1 min

Hoekom groei ekonomie nie: Venaani oor begroting

Die PDM-leier McHenry Venaani het die middelterym-begroting gekritiseer omdat dit nie die lewenskoste, behuising, sanitasie en boere se uitdagings voldoende aanspreek nie. Hy wou tydens die begrotingsdebat in die parlement weet hoe die hersiende bestedingsplanne gewone Namibiërs se lewens gaan verbeter. Hy het ook gepleit vir groter belegging in landbou…
23 Oct 10AM 1 min
All episodes