Groot kommer oor planne om Zambezi-rivier te bagger

Terwyl Namibië en Zambië beplan om die Zambezirivier te bagger in 'n poging om ernstige seisoenale oorstromings te verminder, is nie almal oortuig dat dit die regte oplossing is nie. Die regering sê die verdieping van die rivier sal help om gemeenskappe in die vloedgeteisterde gebied te beskerm, maar plaaslike ekoloog Peter Cunningham spreek ernstige kommer uit en waarsku dat baggerwerk aansienlike ekologiese skade kan veroorsaak. In 'n onderhoud met Kosmos 94.1 Nuus het Cunningham aangevoer dat oorstromings langs die Zambezi 'n natuurlike en langdurige proses is, en dat toenemende menslike nedersetting in laagliggende vloedvlaktes die werklike probleem is.